Dünya

Zaxarova: “ABŞ daha 55 rusiyalı diplomatı ölkədən çıxarmaq istəyir”

Rəsmi Vaşinqton yaxın aylarda daha 55 rusiyalı diplomatın, eləcə də səfirlik və konsulluqların inzibati və texniki işçisinin ABŞ-ı tərk etməsini tələb edir.
“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
Zaxarova qeyd edib ki, bu addımdan sonra diplomatik cəbhədə vəziyyət pisləşəcək:
“Birtərəfli üstünlüklərə nail olmaq ümidi ilə qarşıdurma ssenarisinin həyata keçirilməsində inadkarlıq heç bir yerə aparmır. Bunun ardınca tərəfimizdən operativ və mütənasib, lakin simmetrik olmamaq şərti ilə addım atılacaq”, – diplomat vurğulayıb.
Zaxarova əlavə edib ki, ABŞ-a Rusiya Federasiyasındakı diplomatik personalın, o cümlədən çox tələb olunan konsulların sayına görə 455 nəfərlik kvotanı doldurmağa heç nə mane olmur:
“Hazırda Rusiyada 130-a yaxın amerikalı diplomat, ABŞ-dakı nümayəndəliklərimizdə isə 200-dən az rusiyalı çalışır”.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button