Cəmiyyət

ÜST: Son sutkada dünyada yüz minlərlə insanda koronavirus aşkarlanıb

Dünyada koronavirus infeksiyasına 230 418 451 yoluxma qeydə alınıb.
“Report” xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
Məlumata görə, son bir gündə COVID-19-a daha 483 898 yoluxma aşkar olunub. Bununla yanaşı, COVID-19-dan ölənlərin sayı 4 724 876 nəfərə çatıb.
Qeyd edək ki, dünyada koronavirusa ən çox yoluxma və ölüm ABŞ-da qeydə alınıb. Birləşmiş Ştatlarla yanaşı, Braziliya, Hindistan, Böyük Britaniya, Rusiya və digər ölkələrdə COVID-19-a yüz minlərlə insan yoluxub.
Xatırladaq ki, koronavirus 2019-cu ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) 2020-ci ilin fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button