İqtisadiyyat

UFAZ və Kənd Təsərrüfatı Nazirliyi arasında əməkdaşlıq müzakirə olunub

Azərbaycan-Fransız Universitetində (UFAZ) Kənd Təsərrüfatı Nazirliyinin aparat rəhbərinin müavini və Elm, Təhsil və İnsan resursları şöbəsinin müdiri Elvin Paşayev, Elm, Təhsil və İnsan Resursları departamentinin şöbə müdirinin müavini və Təhsil sektorunun müdiri Emin Əliyev ilə görüş olub.

Bu barədə “Report”a UFAZ-dan məlumat verilib.

Məlumata görə, əvvəlcə qonaqlara UFAZ-ın tədris binası və buradakı tədris prosesi barədə məlumat verilib. Görüşdə iştirak edən UFAZ-ın İcraçı katibi Vazeh Əskərov, Baş katib Elizaveta Bydanova, Tədris departamentinin rəhbəri Lətifə Nəsibova və Fiziki kimya və Kimya mühəndisliyi ixtisasının proqram meneceri Frederic Melin kimya mühəndisliyi ixtisası barədə ətraflı danışıb və UFAZ tələbə və məzunlarının Kənd Təsərrüfatı Nazirliyinin tabeliyində olan müxtəlif kimya laboratoriyaları və tədqiqat mərkəzlərində təcrübə imkanları barədə fikir mübadiləsi aparıblar. Müzakirələr zamanı, həmçinin, UFAZ və Nazirlik arasında aqrar, kimya, data elmləri və hidrogeologiya sahəsində mümkün əməkdaşlıq imkanlarına toxunulub.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button