İdman

UEFA-nın Avropa çempionatı ilə bağlı yeni planı

UEFA Böyük Britaniya və İrlandiyada keçirilməsi gözlənilən “Avro-2028”də komanda sayını 24-dən 32-ə qaldırmaq fikrindədir.

Qol.az xəbər verir ki, bu haqda Britaniyanın “Daily Mail” nəşri məlumat yayıb. Bildirilir ki, qitənin ali futbol qurumu 55 üzv ölkədən 32-sini final mərhələsində görmək istəyir və bununla əlaqədar yerli federasiyalarla ilkin müzakirələr aparılıb.

İngiltərə Peşəkar Futbolçular Assosiasiyasının sədri Maeta Molanqa isə bu ideyaya qarşı çıxıb. Onun fikrincə, komanda sayının artması oyunların keyfiyyətinin aşağı düşməsinə gətirib çıxaracaq, bundan futbolçular və azarkeşlər əziyyət çəkəcək: “Biz ondan narahatıq ki, futbolçular hər şeyi ən sonda öyrənir. Son Avropa çempionatında çıxış edən futbolçuların çoxu İngiltərədə oynayır. Düşünürük ki, onlar mümkün diskussiyalarda fəal rol oynayacaqlar” – deyə o bildirib.

Qeyd edək ki, hələlik məsələ ilə bağlı UEFA açıqlama verməyib.

Xatırladaq ki, UEFA “Avro-2016″da komanda sayını 16-dan 24-ə yüksəldib.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button