İdman

Türkiyə Monteneqro ilə oyunda xal itirib

Türkiyə millisi DÇ-2022-nin seçmə mərhələsində növbəti oyununu keçirib.
Apasport.az saytının məlumatına görə, qardaş ölkə təmsilçisi IV turda Monteneqro ilə qarşılaşıb.
G qrupunun lideri olan Şenol Günəşin yetirmələri xal itkisi ilə üzləşib. “Ay-ulduzlular”ın heyətində Çengiz Ündərlə Yusuf Yazıçı ilk 45 dəqiqədə rəqib qapısına yol tapıb. Adam Marusiç fasilə ərəfəsində fərqi minimuma endirib. Balkanlılar Risto Radunoviçin uzatma dəqiqələrindəki qolu ilə məğlubiyyətdən qaçıb. Xal hesabını 8-ə çatdıran Türkiyə millisi qrupun vahid lideridir.
Qeyd edək ki, türkiyəlilər sentyabrın 4-də Cəbəllütariq, 7-də Niderlandla görüşəcək. Hər iki matç səfərdə baş tutacaq.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button