Dünya

Türkiyə İraqın şimalında antiterror əməliyyatına başlayıb

Türkiyə İraqın şimalında yeni antiterror əməliyyatına başlayıb.

APA Anadolu agentliyinə istinadən xəbər verir ki, bu barədə Türkiyənin milli müdafiə naziri Hulusi Akar deyib.

Türkiyə Silahlı Qüvvələri Komandanlığı ilə Hərbi Hava Qüvvələri Komandanlığının Əməliyyat Mərkəzində nazir Akar, Baş Qərargah rəisi, ordu generalı Yaşar Gülər, Quru Qoşunları komandanı, ordu generalı Musa Avsever və Hərbi Dəniz Qüvvələri komandanı, general Adnan Özbal əməliyyatların gedişini izləyib.

Türkiyə milli müdafiə naziri Hulusi Akar, Hərbi Hava Qüvvələri Əməliyyat Mərkəzi ilə videokonfrans vasitəsi ilə danışıb.

Akar Türkiyə Silahlı Qüvvələrinin İraqın şimalındakı Metina, Zap və Avaşin-Basyan bölgələrində terrorçu hədəflərə qarşı qurudan və havadan “Pençe Kilit” əməliyyatına başladığını açıqlayıb.

Nazri əməliyyat çərçivəsində terrorçulara aid hədəflərin şiddətli atəşə tutulduğunu bildirib: “Əməliyyatımız planlaşdırıldığı kimi uğurla davam edir. Birinci mərhələdə qarşıya qoyulan hədəflərə nail olunub”.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button