Siyasət

Tale Heydərovun İngiltərə vətəndaşlığı alması haqda – Açıqlama

Fövqəladə Hallar naziri Kəmalədddin Heydərovun oğlu Tale Heydərovun Böyük Britaniya vətəndaşlığı alması haqda açıqlama verilib.
Gilan Holdinqin Marketinq və Kommunikasiyalar Şöbəsinddən Savash.org-a daxil olan açıqlamada bildirilir ki, son günlər bir neçə xəbər saytlarında yayılan yazılarda Tale Heydərovun Britaniya vətəndaşlığının alınması iddia olunur.

Məsələ ilə əlaqədar bildiririk ki, yayılan məlumatlar iftira olaraq, həqiqətə uyğun deyildir. Tale Heydərov Azərbaycan Respublikasının vətəndaşlığından çıxmayıb və digər xarici dövlətin vətəndaşlığını qəbul etməyib.

Uzun illərdir ki, Azərbaycanın Britaniya və Avropa ölkələri ilə ictimai, mədəni, işgüzar əlaqələrinin gücləndirilməsi işinə dəstək verən cənab Heydərov, həmçinin ölkənin sosial-iqtisadi inkişafına, cəmiyyətimizin maarifləndirilməsinə töhfə verən bir sıra yerli və beynəlxalq layihələrin təsisçisi və rəhbəridir. Fəaliyyəti ilə əlaqədar olaraq, o, vaxtaşırı işgüzar səfərlərdə olmaqdadır.

Qeyd olunanlarla əlaqədar, cənab Tale Heydərovun şəxsi və işgüzar nüfuzuna xələl gətirəcək böhtan xarakterli, təsdiq olunmamış məlumatların yayılmasına yol verməməyiniz və təkzib məktubunu yerləşdirməyiniz xahiş olunur.



İstiqlal

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button