Cəmiyyət

Səfirlik QHT-lərlə növbəti iki qrant müqaviləsi imzalayıb

 

Yaponiyanıın ölkəmizdəki Səfirliyində səfir Vada Cüniçi və 2 QHT rəhbəri arasında  “Ot Kökləri və İnsan Təhlükəsizliyi” Qrant Yardımı Proqramı çərçivəsində 2 qrant müqaviləsinin imzalanması baş tutub.

“Göygöl Rayonu Üçtəpə Kəndində İçməli Su Sisteminin Quraşdırılması” layihəsində Üçtəpə kəndinin içməli su sistemi ilə təchiz olunmamış ərazidə təxminən 4,300 metr uzunluğunda yerüstü boru xəttinin çəkilməsi planlaşdırılır və bu layihənin qrant məbləği təqribən 137,400 AZN-dir. (Layihəni icra edəcək QHT: “Gənc Liderlər Təhsil Təlim və İnkişaf İctimai Birliyi”).

“Vərəm Xəstəliyinin Müayinəsi üçün Portativ Rentgen Qurğusu ilə Təchiz Etmə” layihəsində “Fujifilm” adlı yapon şirkətinin istehsal etdiyi süni intellektlə təchiz olunmuş rentgen qurğusunun bağışlanması və bu qurğudan Azərbaycanın vərəm xəstəliyinin yayılma riskinin yüksək olan 13 bölgəsi, həmçinin məcburi köçkün və qaçqın əhalinin məskunklaşdığı ərazilərdə vərəmə yoluxma riskinin yüksək olduğu güman edilən şəxslərin müayinəsi həyata keçirilməsi planlaşdırılır. Bu layihənin qrant məbləği təqribən 169,900 AZN-dir. ( Layihəni icra edəcək QHT: “Sağlamlığa Xidmət İctimai Birliyi”).

Bu gün imzalanmış müqavilələr də daxil olmaqla Azərbaycanda “Ot Kökləri və İnsan Təhlükəsizliyi” üzrə Qrant Yardım Proqramı çərçivəsində bu günədək cəmi 277 qrant müqaviləsi imzalanıb və bu müqavilələrin ümumi qrant məbləği 39,500,000 AZN-i keçir.

“Ot kökləri və İnsan Təhlükəsizliyi Qrant yardımı” proqramı İnsan Təhlükəsizliyi ideyasını rəhbər tutaraq, əhalinin sosial rifahının yaxşılaşdırılması məqsədi ilə, bilavasitə yerli əhalinin bəhrələnəcəyi nisbətən kiçik miqyaslı layihələrin həyata keçirilməsi üçün nəzərdə tutulan iqtisadi yardım proqramıdır. Bu günədək səhiyyə, ictimai sağlamlıq, təhsil, kənd təsərrüfatı sahəsinin inkişafına yardım prioritet xarakter daşımışdır. Bu yardımla bağlı yerli bələdiyyə və icra hakimiyyəti orqanları, qeyri-hökümət təşkilatları, təhsil ,səhiyyə orqanları və digər qeyri-kommersiya qurumların müraciəti mümkündür.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button