İqtisadiyyat

Rövşən Nəcəf: “Türk şirkətlərinin Qarabağdakı “Yaşıl enerji” layihələrində iştirakı önəmlidir”

“Azərbaycan və Türkiyə arasında ticarət dövriyyəsi hər il artır. Koronavirus (COVID-19) pandemiyasına baxmayaraq, bu ilin 11 ayında iki ölkənin ticarət dövriyyəsinin dəyəri 7% artıb”.

“Report”un məlumatına görə, bunu iqtisadiyyat nazirinin müavini Rövşən Nəcəf Bakıda keçirilən Azərbaycan-Türkiyə I Enerji Forumunda deyib.

“Hazırda Azərbaycan Türkiyənin 2-ci ən böyük ticarət tərəfdaşıdır. İki ölkə arasında ticarət dövriyyəsinin artmasının əsas səbəblərindən biri kimi Dövlət Neft Şirkətinin (SOCAR) Türkiyədəki fəaliyyətini göstərmək olar. SOCAR-ın Türkiyədəki yatırımı olan “Petkim” istehsalatda IV Sənaye İnqilabının standartlarını tətbiq edən ilk şirkət olub”, – deyə o qeyd edib.

Bundan başqa, R.Nəcəf bildirib ki, Azərbaycanın işğaldan azad olunmuş ərazilərində “Yaşıl enerji” layihələri həyata keçirilir və türk şirkətlərinin bu layihələrdə iştirakı çox önəmlidir: “İqtisadiyyat Nazirliyi olaraq bu sahədə əməkdaşlığın perspektivlərinə inanırıq və şirkətlərə dəstək olmağa hazırıq”.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button