İdman

“Qarabağ” öz meydanında “Neftçi”ni darmadağın edib

Oktyabrın 30-da futbol üzrə Azərbaycan Premyer Liqasında IX turun mərkəzi qarşılaşması keçirilib.

Günün ikinci martçında “Qarabağ” son çempion “Neftçi”ni qəbul edib.

“Azersun Arena”dakı qarşılaşma Ağdam təmsilçisinin 4:0 hesablı qələbəsi ilə yekunlaşıb. Görüşə “köhlən atlar” daha üstün başlayıb. Matçın 10-cu dəqiqəsində Filip Ozobiç meydan sahiblərini hesabda önə keçirib. Dörd dəqiqə sonra isə Abdullah Zubir “ağ-qaralar”ı növbəti dəfə mərkəzə dəvət edib. F.Ozobiç 23-cü dəqiqədə penaltini dəqiq yerinə yetirməklə özünün ikinci, komandasının isə üçüncü qolunu vurub.

“Neftçi”nin müdafiəçisi Ömər Buludov 37-ci dəqiqədə zədələndiyi üçün görüşə davam edə bilməyib. Onun yerinə meydana İsmayıl Zülfüqarlı daxil olub. Qarşılaşmanın 90+2-ci dəqiqəsində Marko Vesoviç komandasının 4-cü qoluna imza atıb.

Bu nəticədən sonra xallarının sayını 20-yə çatdıran “Qarabağ” vahid lider olub. Qonaqlar isə 17 xalla ikinci sıradadır.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button