İdman

“Qarabağ” avrokuboklarda 8-ci dəfə qrupda oynayacaq

“Qarabağ”ın avrokuboklardakı uğurlu seriyası davam edir.
Apasport.az saytının məlumatına görə, qitəmiqyaslı turnirlərdəki ən yaxşı təmsilçimiz ardıcıl 8-ci dəfə qrup mərhələsində oynayacaq.
Qurban Qurbanovun yetirmələri bu dəfə yeni yaradılan Konfrans Liqasında 32 komanda sırasına düşüb. Ağdam təmsilçisi 2014/15 mövsümündən başlayaraq daim qrup mərhələsində oynayıb.
“Qarabağ” üç müxtəlif turnirdə qrupa yüksəlməyi bacarıb. Qurbanovun komandası 2017/18 mövsümündə qitənin ən güclülərinin yarışdığı Çempionlar Liqasında əsas raundda mübarizə aparıb.
Ağdamlılar 2014/15, 2015/16, 2016/17, 2018/19, 2019/20 və 2020/21 mövsümlərində ikinci dərəcəli klub turnirində – Avropa Liqasında qrupa düşüb. 8-ci cəhd isə yeni yaradılan və 3-cü dərəcəli sayılan Konfrans Liqasında gerçəkləşəcək.
Qeyd edək ki, indiyədək heç bir Azərbaycan klubu qrupdan çıxa bilməyib.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button