Dünya

Özbəkistan rəsmisi: “Mərkəzi Asiyanın gələcəyi inkişaf etmiş nəqliyyat habıdır”

“Özbəkistan Mərkəzi Asiya regionunun gələcəyini Xəzər dənizinə də çıxışı olan və bütün istiqamətlər üzrə inkişaf etmiş nəqliyyat habı qismində görür”.
“Report”un Daşkəndə ezam olunmuş müxbiri xəbər verir ki, bunu Özbəkistanın xarici işlər nazirinin müavini Furkat Siddikov paytaxtda keçirilən “Mərkəzi Asiyada mehriban qonşuluq münasibətlərinin qurulması: Özbəkistanın praqmatik xarici siyasəti” adlı ekspert platforması çərçivəsində çıxışında bildirib.
“İstəyirik ki, regionumuz Xəzər dənizinə də çıxışı olan nəqliyyat habına çevrilsin”, – F.Siddikov deyib.
Nazir müavini hesab edir ki, Özbəkistan son illər regiondakı qonşuları ilə münasibətləri köklü şəkildə dəyişərək, yeni səviyyəyə çatdırıb. Eyni zamanda, Mərkəzi Asiyanın bütün regional ölkələri ilə münasibətlər strateji səviyyəyə çatdırılıb. 
“Xüsusilə də, Əfqanıstandakı yeni vəziyyətlə əlaqədar olaraq, region ölkələri qarşısında yeni vəzifələr və çağırışlar durur. Əfqanıstan ilə münasibətlər də daxil olmaqla, bu vəzifələrin öhdəsindən gəlmək tələb olunur”, – Özbəkistanın xarici siyasət idarəsi rəhbərinin müavini qeyd edib. 

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button