Cəmiyyət

Oğuzda karantin qaydalarını pozan 20-yə yaxın şəxs barəsində tədbir görülüb

Oğuz Rayon Polis Şöbəsinin Dövlət Yol Polisi bölməsinin əməkdaşları xüsusi karantin rejimi qaydalarının təmin olunması məqsədilə ictimai nəqliyyatda nəzarət-profilaktik tədbirlər həyata keçiriblər.
DİN-in Mətbuat Xidmətinin Şəki regional qrupundan “Report”a verilən məlumata görə, tədbir zamanı ictimai nəqliyyatda bəzi sərnişin və sürücülərin tibbi maskadan istifadə etmədiyi, qaydalara biganə yanaşdığı aşkarlanıb. Onlarla izahedici söhbətlər aparılıb, ictimai nəqliyyatda olan zaman tənəffüs yollarını qoruyan fərdi vasitələrdən istifadə etməyin zəruriliyi barədə məlumatlandırılıblar.
Həmçinin, taksilərdə şəffaf arakəsmələr quraşdırmayan sürücülər də yol polisi əməkdaşları tərəfindən müəyyən edilib, pandemiya dövrünün tələbləri bir daha onların diqqətinə çatdırlıb.
Yoxlamalar zamanı ümumilikdə qaydaları pozan 20-yə yaxın şəxs barəsində intizam tənbeh tədbiri görülüb.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button