Nidadan sonra müharibə gəlir

05/10/2019 [10:58] - Siyasət (113)



Xəbər verdiyimiz kimi,  Lüksemburqda “Düdelanj”-"Qarabağ" futbol matçı zamanı xoşagəlməz insident yaşanıb. Matç zamanı Dağlıq Qarabağdakı separatçı-kriminal rejimin əski parçası bayraq adına dronla futbol meydançasının üzərində peyda olub - həm də meydanın “Qarabağ” futbolçularına aid hissəsində. Artıq Azərbaycan olaya münasibət bildirib. Xarici İşlər Nazirliyinin (XİN) mətbuat xidmətinin rəhbəri Leyla Abdullayeva deyib ki, nazirlik baş verən təxribatı nəzərə alaraq vəziyyəti izləyir.

“Lüksemburqda akkreditə olunmuş səfirə bu ölkənin Xarici İşlər Nazirliyi ilə əlaqə yaratmaq və təxribatlara cavabdeh şəxslərin tapıldığına və müvafiq məsuliyyət daşıyacaqlarına əmin olmaqla bağlı tapşırıq verilib” - deyə o bildirib.

*****

Xüsusi diqqətçəkən detal odur ki, insident Azərbaycan prezidenti İlham Əliyevin Soçidə “Valday” Beynəlxalq Diskussiya Klubunda çıxış etdiyi günə təsadüf edib. Hansı ki, Azərbaycanın dövlət başçısı məhz Rusiya ərazindən - Ermənistanın özünə əsas müttəfiq saydığı dövlətin cənub şəhərindən işğalçı ölkənin rəhbərliyinə əzici mesaj göndərmiş, "Qarabağ Azərbaycanındır və nida işarəsi", - deyə bəyan etmişdi. Ondan bir gün qabaq isə Rusiya xarici işlər naziri Soçidə Ermənistanın baş naziri Nikol Paşinyanın “Qarabağ Ermənistanındır və nöqtə” sərsəm bəyanatının sülh prosesinə fayda vermədiyini bildirmişdi.
Nəzərə alsaq ki, Lavrov erməni kökənlidir və hətta Rusiyadakı erməni lobbisinin “boz kardinalı” sayılır, o zaman onun belə açıqlamanı özxoşuna vermədiyi bəli olar. Yəni bu, heç də Lavrovun özmövqeyi deyil. Açıqlamanın arxasında ilk növbədə Paşinyandan narazı olan və təzəcə İrəvandan qayıdan prezident Putinin iradəsi dayanır...

*****

“Yeni Müsavat” bu yerdə xatırladır ki, cəmi iki həftə öncə - sentyabrın 23-də Nikol Pasinyanın ABŞ-a səfəri "fiasko" ilə başlamışdı. Belə ki, Paşinyanın Los-Ancelesə gəlişini nəzərə alan ölkəmizin bu şəhərdəki Baş Konsulluğu ona əsl sürpriz etmişdi. Konsulluq Ermənistanın Azərbaycana qarşı həyata keçirdiyi işğalçılıq və etnik təmizləmə siyasəti haqda yerli əhalini geniş məlumatlandırmaq üçün həmin gün Los-Anceles səmasına ingilis dilində böyük hərflərlə “KarabakhisAzerbaijan! EndtheOccupation” (“Qarabağ Azərbaycanındır! İşğala son qoy!) şüarını daşıyan təyyarələr qaldırmışdı. Konsulluqdan yayılan xəbərdə deyilirdi ki, bütün günü Los-Anceles üzərində dövrə vuran şüar yerli əhali tərəfindən böyük maraqla qarşılanıb. Bundan əlavə, üzərində Qarabağ həqiqətlərini əks etdirən rəqəmsal plakatların olduğu xüsusi maşınlar gün ərzində Los-Ancelesin ən müxtəlif guşələrini dolaşaraq, çoxlu sayda şəhər sakininin Ermənistanın işğalçılıq siyasəti haqda məlumatlanmasına səbəb olmuşdu.

İndi mənfur ermənilər də öz aləmlərində Azərbaycanın addımına bu şəkildə - havaya dron qaldırmaqla cavab verməyə çalışdılar. Ancaq əks-effekt alındı. Lüksemburqlu nazir çıxıb Azərbaycandan dərhal üzr istədi və ölkəsinin ərazi bütövlüyümüzə dəstəyini ifadə etdi. Los-Ancelesdə isə heç bir rəsmi azərbaycanlı bu tutarlı aksiyasına görə Paşinyan qarşısında üzr istəmədi. Çünki İlham Əliyevin də öz çıxışında vurğuladığı kimi, dünya, o cümlədən ABŞ aranlı-düzənli Qarabağlı Azərbaycanın ərazisi sayır. Yəni fərq göz önündədir.

*****

“Lavrovun son bəyanatında ən əsas odur ki, Rusiya ilk dəfə birmənalı şəkildə etiraf edir ki, Ermənistan işğal suçlusudur və Qarabağa əl uzadır. Söhbət faktiki, bundan gedir. Rusiya indiyədək heç vaxt erməni siyasətinin təcavüzkar yönü barədə belə açıq danışmamışdı”. "Yeni Müsavat"ın məlumatına görə, bu sözləri rusdilli Minval.az saytına politoloq Rasim Ağayev deyib.

Onun sözlərinə görə, Rusiya XİN rəhbəri belə bəyanat verməyə vadar edilib. “Məsələ ondadır ki, Rusiya Ermənistanın onunla hesablaşmaq istəməməsi ilə barışa bilməz. İrəvan isə Qərb kursundan imtina eləmək niyyətində deyil və Cənubi Qafqazda müstəqil oyun oynamağa çalışır. Və bu, təkcə onunla bağlı deyil ki, ermənilərə öz mifik böyüklükləri haqda, xüsusi rolları haqda nağıllar danışmaq xasdır. Bu, onunla bağlıdır ki, Ermənistan öz taleyini Qərbə bağlamaq istəyir. Bir şey demək olar: Moskvanın ənənəvi olaraq, Ermənistana, Güney Qafqazın xristian elektoratına oriyentasiyası hazırkı tarixi mərhələdə özünü doğrultmur”, - deyə politoloq qeyd edib.

*****

Sözsüz ki, Rusiyanın regionda kimə stavka eləməsi konfliktin həll perspektivi baxımından az önəm kəsb eləmir. Bütün hallarda Azərbaycan prezidentinin Soçi bəyanatı işğalçı ölkəyə aydın ismarışdır ki, Qarabağda müharibə hələ bitməyib və əgər Ermənistan onun üçün böyük fəlakətlərə gətirəcək dağıdıcı savaşdan qaçmaq istəyirsə, Qarabağ məsələsində konstruktiv mövqe tutmaqdan başqa yolu yoxdur. Əks halda, Azərbaycanla sürətlə silahlanma yarışında onun olan-qalan iqtisadiyyatı da köçəcək, iş qabiliyyətli əhali ölkədən daha sürətlə köç edəcək.
Bu, həmçinin Bakının “sürünən müharibə” taktikası ilə, torpaqların addım-addım azad edilməsi taktikasını davam etdirməklə düşmən ölkənin daha da taqətdən salınacağı deməkdir. Hansı “sürünən müharibə” ki, hər an böyük savaşa çevrilərək İrəvana çata bilər. Ermənistan rəsmiləri gərək yaddan çıxarmasınlar ki, atəşkəs on illərlə uzana bilməz və masa arxasında diplomatların bacarmadıqlarını adətən müharibə meydanında hərbçilər reallaşdırır. Azərbaycanın hərbçilərini, generallarını nəzərdə tuturuq.

“Dağlıq Qarabağ Ermənistanındır” deməklə Qarabağ Ermənistanın olmur. Ola bilməz. Bir də nida işarəsindən sonra heç bir durğu işarəsi gəlmir. Müharibə gəlir!..

“Yeni Müsavat”
Büdcə kəsiri 19 milyon azaldılıb – şərh
Masallıda uşaq alveri ilə bağlı tədbir keçirilib
Bakının Cənub girişi: paytaxtımız haqda ilk mənfi təəssürat
Ermənistana yox, Rusiyaya güzəşt etməliyik - Qüdrət Həsənquliyev
Dövlət Agentliyi Masallı sakinlərinə cavab verdi: yolu yenidən qura bilərik...
Xəbər lenti
01/06/2020 [22:40]:
ATƏT ABŞ-da jurnalistlərə qarşı zorakılıqdan narahatdır
01/06/2020 [21:28]:
Azərbaycan banklarının xarici öhdəlikləri azalıb
01/06/2020 [20:32]:
Beş ildə AÇG-nin iki platformasında hasilat artıb
01/06/2020 [18:56]:
Azərbaycanda daha 168 nəfər koronavirusa yoluxub, 80 nəfər sağalıb, 5 nəfər ölüb
01/06/2020 [16:50]:
Bakıda tələbə aksiyası: Saxlanılanlar var...
16/05/2020 [15:18]:
Azərbaycanda daha 158 nəfər koronavirusa yoluxub, 58 nəfər sağalıb
16/05/2020 [14:34]:
Prezident daha bir icra başçısını işdən çıxartdı
26/11/2019 [20:50]:
Nazirlikdə təmir işlərinə başlanılır
26/11/2019 [19:40]:
İrəvanda Azərbaycan bayrağı və... Qarabağdakı “barıt çəlləyi”
26/11/2019 [18:45]:
Bu gün ÇL-də qrup mərhələsinin V turuna start veriləcək
26/11/2019 [17:33]:
Dağlıq Qarabağın azərbaycanlı icmasının sədri bəyanat yayıb
26/11/2019 [16:45]:
Dolların dəyərdən düşməsi proqnozlaşdırılır
26/11/2019 [15:50]:
“Türk filmləri həftəsi” başlayıb
26/11/2019 [15:22]:
6,4 bal gücündə zəlzələ olub
26/11/2019 [14:46]:
Rusiyanın futbol yığması DÇ-2022-də iştirakdan məhrum edilə bilər
26/11/2019 [14:24]:
285 min nəfər Rusiya vətəndaşlığı alıb
26/11/2019 [13:52]:
"WhatsApp"da yeni funksiya yaradılacaq
26/11/2019 [13:33]:
Konstitusiyanın 9 maddəsində dəyişiklik edildi
26/11/2019 [12:44]:
133 ton narkotik vasitə müsadirə edilib
26/11/2019 [12:15]:
"Sabah" Zaqreb "Dinamo"sunun sabiq baş məşqçisi ilə müqavilə imzalayıb
26/11/2019 [11:35]:
Dünya bazarlarında təbii qaz ucuzlaşıb
26/11/2019 [11:22]:
Masazırda yanğın olub
26/11/2019 [10:33]:
Bu günün valyuta məzənnələri açıqlanıb
26/11/2019 [10:03]:
Büdcə kəsiri 19 milyon azaldılıb – şərh
26/11/2019 [10:00]:
Atəşkəs 22 dəfə pozulub
Bütün xəbərlər...
Həftənin ən çox oxunanları
Bakıda tələbə aksiyası: Saxlanılanlar var...
Azərbaycanda daha 168 nəfər koronavirusa yoluxub, 80 nəfər sağalıb, 5 nəfər ölüb
Beş ildə AÇG-nin iki platformasında hasilat artıb
Azərbaycan banklarının xarici öhdəlikləri azalıb
ATƏT ABŞ-da jurnalistlərə qarşı zorakılıqdan narahatdır
İstiqlal.az-ın arxivi
"İstiqlal.az"
Xəbər Portalı
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin