İdman

“Neftçi”nin futbolçusu Qvineyada hərbi çevrilişə görə Bakıya qayıda bilmir

“Neftçi”nin futbolçusu Mamadu Kane Qvineyadakı hərbi çevrilişə görə ölkəni tərk edə bilmir.
Apasport.az saytının məlumatına görə, DÇ-2022-nin seçmə mərhələsində Mərakeşlə oyun üçün Qvineyada olan 24 yaşlı yarımmüdafiəçinin Azərbaycana gəlməsinə FİFA heç cür köməklik göstərə bilməyəcək.
Adıçəkilən ölkədə qalan bir neçə oyunçunun klubu bununla bağlı ali futbol qurumuna müraciət etsə də, cavab ürəkaçan olmayıb. FİFA bunda məsuliyyət daşımadığını, yalnız təşəbbüs göstərə biləcəyini açıqlayıb. Oyunçular yalnız klublarının, diplomatik kanalların və agentlərin köməyinə ümid etməlidirlər.
Qeyd edək ki, “Neftçi” Mamadu Kaneni “Olimpiakos”a satsa da, qvineyalı futbolçu icarə əsasında Azərbaycan çempionunun heyətində çıxış edəcək.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button