İdman

Maksim Medvedev: “Tilsimi qırmaq istəyirik”

“Sabah bizi ağır oyun gözləyir. Çox məsuliyyətli matç olacaq”.Apasport.az saytının məlumatına görə, bunu “Qarabağ”ın kapitanı Maksim Medvedev Konfrans Liqasının qrup mərhələsinin I turunda “Bazel”lə keçiriləcək oyun barədə danışarkən deyib.32 yaşlı müdafiəçi sabah Bakı Olimpiya Stadionunda baş tutacaq qarşılaşma öncəsi mətbuat konfransına qatılıb. Medvedev qələbə ilə başlamaq istədiklərini söyləyib: “Ab-hava yaxşı vəziyyətdədir. Səbrsizliklə bu qarşılaşmanı gözləyirəm. İstəyirik ki, özümüzü yaxşı tərəfdən göstərək. Baş məşqçinin tapşırıqlarını yerinə yetirsək, uğurlu nəticə qazanacağıq. Rəqibi təhlil etmişik. Hələ də analiz üçün vaxtımız var”.Medvedev görüşün Bakı Olimpiya Stadionuna (BOS) salınmasına da münasibət bildirib: “Biz mərkəzi arenada oynamağı öyrəşmişik. Ora bizim üçün uğurlu stadiondur. BOS-da isə oyunumuz alınmır və yaxşı nəticə qazana bilmirik. Bu tilsimi qırmaq istəyirik”.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button