Dünya

Məkkənin məşhur məscidində camaat üçün sosial məsafə ləğv edilib

Müsəlmanların Həcc ziyarətinin mərkəzi olan Məkkə şəhərində, dünyanın ən böyük məscidi Əl-Haramda koronavirus pandemiyasının başlanmasından bu yana ilk dəfə sosial məsafə tədbirləri gözlənilmədən namaz qılınıb.
“Report” xarici mətbuata istinadən xəbər verir ki, məscid işçiləri tam hüquqlu xidmətlərin bərpası qərarına uyğun olaraq, dindarlar üçün müəyyən güzəştlər tətbiq ediblər. Məscidin döşəməsindən sosial məsafə ilə bağlı stikerlər çıxarılıb.
Hazırda Ümrə ziyarətini edən əcnəbiləri qəbuluna hazırlıq işləri başlayıb.
Buna rəğmən Səudiyyə Ərəbistanı hökuməti bəyan edib ki, məscidə gələnlər COVID-19 əleyhinə tam peyvənd edilməli və maska ​​taxmalıdırlar. Bundan əlavə, əsas müsəlman ziyarətgahı olan Kəbəyə giriş məhduddur.
İyulda koronavirus məhdudiyyətləri səbəbindən ölkənin yalnız 60 min peyvənd edilmiş sakini Məkkəyə gələ bilib.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button