Dünya

Liviya sahillərində qayıq qəzası nəticəsində 60-a yaxın miqrant həlak olub

Avropa istiqamətində hərəkət edən, onlarla miqrantın olduğu qayığın Liviya sahillərində çevrilməsi nəticəsində onlarla miqrant həlak olub.
“Report” xəbər verir ki, bu barədə Miqrasiya üzrə Beynəlxalq Təşkilatın mətbuat katibi Safa Msexli tvitterdəki hesabında bildirib.
“Bu gün Liviya sahillərində, Homs (şəhəri-red) ərazisində qayığın çevrilməsi nəticəsində azı 57 insan həlak oldu. Balıqçılar və sahil mühafizəsi xidmətinin əməkdaşları tərəfindən sahilə çatdırılanların sözlərinə görə, boğulanlar arasında azı 20 qadın, həmçinin 2 uşaq var”, – o deyib.
Qeyri-sabit siyasi vəziyyətin olduğu Liviya Avropa dövlətlərinə getməyə çalışan afrikalı qaçqınlar üçün əsas məntəqə olaraq qalır. İnsan Hüquqları üzrə Milli Komitənin məlumatına əsasən, 2020-ci ildə Liviya sahillərində 11 891 qeyri-leqal miqrant xilas edilib, 300-dən çox insan həlak olub.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button