İdman

Kriştianu Ronaldu: “Daha 4-5 il oynamağı planlaşdırıram”

İngiltərənin “Mançester Yunayted” klubunun və Portuqaliya yığmasının futbolçusu Kriştianu Ronaldu FIFA-nın xüsusi “The Best” mükafatını aldıqdan sonra fikirlərini bölüşüb.

37 yaşlı hücumçu milli komandalar səviyyəsində bütün dövrlərin ən yaxşı bombardiri olmasından qürur duyduğunu bildirib.

O, oynamaq və qol vurmaq ehtirasının qaldığını vurğulayıb: “5 yaşımdan futbol oynayıram. Meydana çıxanda hətta məşq vaxtı belə, motivasiyalı oluram. Tezliklə 37 yaşım tamamlanacaq, amma özümü yaxşı hiss edirəm. Səylə işləməyə davam edirəm. Çünki futbolu sevirəm və bu idman növünə ehtirasım keçməyib. Daha 4-5 il oynamağı planlaşdırıram. Öz bədəninizə yaxşı münasibət göstərsəniz, o da lazım olduqda sizə qarşılığını ödəyəcək”.

Qeyd edək ki, 2021-ci ildə Kriştianu Ronaldu Portuqaliya millisində qol sayını 115-ə çatdıraraq, İran yığmasının keçmiş forvardı Əli Daeini (109 qol) arxada qoyub.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button