Siyasət

İsraildə Azərbaycanın Zəfər Gününə həsr edilmiş tədbir keçiriləcək

Milli Məclisin deputatı Anatoliy Rafailov noyabrın 7-də İsrailin Tel-Əviv şəhərində Azərbaycanın Zəfər Gününə həsr edilmiş tədbirə qatılacaq.

Milli Məclisin Mətbuat və ictimaiyyətlə əlaqələr şöbəsindən APA-ya verilən məlumata görə, “Azərbaycan-İsrail” Beynəlxalq Assosiasiyası AZİZ-in təşkilatçılığı ilə keçiriləcək tədbirdə Azərbaycan tarixinin ən möhtəşəm hadisələrindən biri olan Zəfər Gününün ildönümü qeyd ediləcək, Prezident, Ali Baş Komandan İlham Əliyevin rəhbərliyi ilə qəhrəman Azərbaycan Ordusunun 44 günlük Vətən müharibəsi ilə torpaqlarımızı işğaldan azad edərkən şəhid olmuş Vətən övladlarının əziz xatirəsi ehtiramla yad olunacaq.

Səfər çərçivəsində Anatoliy Rafailov Azərbaycan Respublikasının müstəqilliyinin bərpasının 30 illiyinə və Azərbaycan-İsrail diplomatik əlaqələrinin qurulmasının 30 illiyinə həsr edilmiş tədbirlərdə də iştirak edəcək.

Tədbirlərə İsrail parlamentinin üzvləri, dövlət qurumlarının və ictimaiyyətin nümayəndələri də qatılacaqlar.

Səfər noyabrın 11-də başa çatacaq.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button