Siyasət

İctimai Şuranın sədri nazir Vilayət Eyvazovla görüşüb

DİN yanında İctimai Şuranın sədri Əliməmməd Nuriyev daxili işlər naziri Vilayət Eyvazovla görüşüb. 
İstiqlal.az bildirir ki, bu barədə İctimai Şuranın sədri Əliməmməd Nuriyev bildirib.
“13 apreldə DİN yanında İctimai Şuranın sədri kimi, Daxili İşlər nazirı Vilayət Eyvazovla görşümüz oldu. Nazirliklə İctimai Şuranın əməkdaşlığı, planlaşdırılan fəaliyyətlər, gözləntiləri müzakirə edildi. Vilayət müəllim DİN tərəfindən cinayətkarlığa qarşı mübarizə, narkotiklərin qanunsuz dövriyyəsinin, məişət zorkalığı hallarının qarşısının alınması, ictimai asayişin təmin edilməsi ilə əlaqədar görülən tədbirlər, aparılan islahatlar barədə məlumat verdi. Nazir bir daha bəyan etdi ki, DİN bütün bu istiqamətlər üzrə vətəndaş cəmiyyəti ilə sıx əməkdaşlıqda maraqlıdır və Nazirlik ictimai iştirakçılığı vacib hesab edir”.
Nazir son vaxtlar, xüsusən narkotik vasitələrin qanunsuz dövriyyəsi, cinayətkarlığa qarşı mübarizə sahəsində ictimai dəstəyin, vətəndaşların neqativ hallar barədə polisi məlumatlandırmasının verdiyi töhfələri xüsusi qeyd edib.
“Narkomaniyaya qarşı mübarizə, məişət zorakılığı hallarının qarşısının alınması, preventiv tədbirlərin görülməsi sahəsində aparılan işlərin səmərəsinin əhəmiyyətli dərəcədə ictimai dəstəkdən asılı olduğunu bildirdi. Bir daha İctimai Şuranın bu məsələlərdə fəal fəaliyyət göstərməyəi və digər vətəndaş cəmiyəti təşkilatlarını da təşviq etməyə, əlaqələndirici rolunu oynamağa dəvət etdi”.
“Polis orqanları tərəfindən vətəndaş müraciətlərinə baxılması sahəsində müşahidə etdiyimiz problemləri çox açıq müzakirə etdik. İctimai Şura üzvlərinin məlumat əldə etdiyi və şahidi olduğu, araşdırdığı neqativ hallardan diqqətçəkən keyslər kimi söz açdım. Nazir bu cür neqativ halların təkrarlanmaması üçün müvafiq tədbirlər görülməsi barədə tapşırıqlar verdi”.
İctimai fəal Bəxtiyar Hacıyevin İctimai Şuraya müraciətləri, bu müraciətlərdə qaldırdığı məsələlər, hüquqlarının pozulması ilə bağlı Şuranın iclasında dediklərini diqqətə çatdırlıb: “Nazir DİN tərəfindən B.Hacıyevin bütün müraciətlərinə cavab verildiyini, onun narazı qaldığı məsələlər barədə təkrar müraciət etmək, digər orqanlara şikayət etmək hüququnun olduğunu bildirdi. Qeyd etdi ki, DİN Bəxtiyar Hacıyevin müraciətləri əsasında müvafiq araşdırmalar aparıb və nəticəsi barədə onu məlumatlandırıb”.
Polis əməkdaşlarının qanunları pozması, kobud rəftar etməsi, zor tətbiq etməsi və digər hüquqazidd əməllər törətməsi barədə bütün müraciət və şikayətlər obyektiv araşdırılır, bu cür əməllərə yol vermiş əməkdaşlar barədə sərt tədbilər görülür. Nazirlik mütəmadi olaraq bu barədə məlumatı ictimaiyyətə açıqlayır.
Nazir İctimai Şuranın polisin fəaliyyət istiqamətləri ilə bağlı monitorinqlər aparılması, ictimai nəzaərt tədbiləri təşkil etməsi təkliflərini dəstəklədyini qeyd etdi. Bildirdi ki, polislə cəmiyyət arasında etimadlı münasibətlər yaradacaq, neqtiv halların həllinə imkan yaradacaq bütün təşəbbüsləri dəstəkləməyə hazırdırlar. Qeyd etdi ki, Nazirlik cəmiyyətlə kommunikasiyaya böyük önəm verir, bu məqsədlə hazırda sosial şəbəkələr də daxil olmaqla bütün mümkün kommunikasiya kanalları yaradıılıb.
Daxili İşlər Naziri yaxın vaxtlarda İctimai Şura üzvləri ilə görüş keçiriləcəyini və Şuranın təklifləri, qaldırdığı məsələlər barədə müzakirələr aparılacağını da qeyd edib.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button