İqtisadiyyat

Gürcüstanın Azərbaycanla ticarət dövriyyəsi 12%-dən çox artıb

Bu ilin yanvar-avqust aylarında Gürcüstanın Azərbaycanla ticarət dövriyyəsinin həcmi 689 393,7 min ABŞ dolları təşkil edib ki, bu da illik müqayisədə 76 626,4 min dollar və ya 12,5% çoxdur.
APA-nın yerli bürosu xəbər verir ki, bu barədə Gürcüstan Milli Statistika İdarəsinin təqdim etdiyi hesabatında bildirilib.
Hesabat dövründə Gürcüstan Azərbaycandan 342 397,1 min dollarlıq mal və məhsullar idxal edib ki, bu da illik ifadədə 4,2% çoxdur. Gürcüstanın Azərbaycana ixracı isə illik müqayisədə 22,1% artaraq 346 996,7 min dollara bərabər olub.
Nəticədə, cari ilin ilk səkkiz ayı ərzində Gürcüstanın Azərbaycanla ticarət dövriyyəsində 4 599,6 min dollarlıq müsbət saldo yaranıb.
Qeyd edək ki, 2020-ci ilin yanvar-avqust ayları ərzində Gürcüstanın Azərbaycanla xarici ticarətdə 44 302,9 min dollarlıq mənfi saldo olub.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button