Dünya

Gürcüstanda səslərin 100 %-ə yaxını sayılıb: “Gürcü Arzusu” öndədir

Gürcüstanın Mərkəzi Seçki Komissiyası ölkə üzrə 3 743 seçki məntəqəsinin 3 742-də (99,97 %) səslərin sayılması prosesini başa çatdırıb.
“Report”un yerli bürosu xəbər verir ki, nəticələrə əsasən, hakim Gürcü Arzusu Partiyası oktyabrın 2-də baş tutmuş yerli seçkilərdə 46,68 % səs əldə edib.
“Gürcü Arzusu”ndan sonra ilk üçlükdə 30,7 %-lə müxalif Vahid Milli Hərəkat Partiyası və 7,8 %-lə sabiq baş nazir Giorgi Qaxariyanın “Gürcüstan naminə” partiyası yer alıb. Dördüncü yerdə isə “Lelo” partiyasıdır (2,71 %).
Seçkilərə qatılan digər partiyalar isə 2 %-dən az səs qazanıb.
Qeyd edək ki, Gürcüstan üzrə 64 bələdiyyənin 20-də seçkilərin ikinci mərhələsi təyin olunacaq.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button