Dünya

Gürcüstan COVID-19 pasportunun tətbiqinə hazırlaşır

“Gürcüstanda COVID-19 pasportu mütləq tətbiq olunacaq”.
“Report”un yerli bürosu xəbər verir ki, bunu ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri, baş epidemioloq Amiran Qamkrelidze deyib.
Onun sözlərinə görə, sənədin qüvvəyə minəcəyi dəqiq tarix hələ məlum deyil: ““Yaşıl pasport”la bağlı müxtəlif yanaşmalar var. Gürcüstanın bu yanaşmalardan hansının üzərində dayanacağı barədə qərarı Dövlət Qurumlarıarası Koordinasiya Şurası qəbul edəcək”.
Gürcüstanın səhiyyə nazirinin müavini Tamar Qabuniya öz növbəsində bildirib ki, COVID-19 pasportunun tətbiqi məsələsi üzərində mütəxəssislərlə birgə iş aparılır: “Koordinasiya Şurasınin bugünkü iclasından sonra bütün risklər nəzərə alınacaq və ictimaiyyət sənədin tətbiqi barədə məlumatlandırılacaq”.
Qeyd edək ki, “yaşıl pasport” koronavirus əleyhinə vaksinasiyanı təsdiqləyən sənəddir və insanların qapalı məkanlara daxil olması üçün bir sıra ölkələrdə tələb edilir.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button