Dünya

G7 ölkələri rəqəmsal ticarətlə bağlı yeni razılığa gəlib

“Böyük yeddilər” (G7) rəqəmsal ticarət və sərhədlərarası məlumat mübadiləsi ilə bağlı razılığa gəliblər.
“Report” xəbər verir ki, bu barədə Böyük Britaniya, Almaniya, İtaliya, Kanada, ABŞ, Fransa və Yaponiya ticarət nazirlərinin oktyabrın 22-də Londonda baş tutan görüşünün yekunları üzrə qəbul edilmiş bəyanatda deyilir.
Nazirlər rəqəmsal ticarətin uğurlu inkişafı üçün məlumatların sərhədlərarası sərbəst hərəkətinin vacib olduğunu vurğulayıblar.
Sənəddə qeyd edilir ki, mübadilə zamanı istifadə olunan məlumatların məxfiliyi, əqli mülkiyyət hüquqlarının və rəqəmsal təhlükəsizliyin qorunması başlıca prinsiplərdəndir.
Bəyanata görə, sözügedən prinsiplər xarici sərmayə və rəqəmsal ticarət üçün bazarların rəqabət qabiliyyətliliyini, şəffaflığını və əlçatanlığını təmin etməlidir.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button