Dünya

Fransada xarici ölkə səfirliyinə hücum olub

Naməlum cinayətkarlar Kubanın Fransadakı səfirliyinin binasına yandırıcı qarışığın olduğu butulkalarla hücum ediblər.
“Report” TASS-a istinadən xəbər verir ki, bu barədə Kubanın xarici işlər naziri Bruno Rodriqes Parrilya bildirib.
“Bizim Parisdəki səfirliyimizə “Molotov kokteyli”nin tətbiqi ilə terror aktı təşkil olunub. Hesab edirik ki, ölkəmizə qarşı fasiləsiz kampaniyalara, cəzasız zorakılığa həvəsləndirən belə davranış və çağırışlara görə ABŞ hökuməti məsuliyyət daşıyır”, – o özünün tvitterdəki hesabında yazıb.
Bu, Kubanın diplomatik nümayəndəliyinə birinci hücum deyil: ötən ilin aprelində naməlum kişi ABŞ-ın paytaxtı Vaşinqtonda da Kuba səfirliyinin binasına atəş açıb. Hadisə nəticəsində heç kim xəsarət almayıb, amma binaya zərər vurulub.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button