Dünya

Floridada dağılan binada ölənlərin sayı 98 nəfərə çatdı  

ABŞ-ın Florida ştatının Mayami şəhəri yaxınlığındakı Sörfsayd qəsəbəsində yaşayış binasının dağılmasının son qurbanı aşkarlanıb və onun şəxsiyyəti müəyyənləşdirilib.
“Report” xəbər verir ki, bu barədə “NBC 6 South Florida” telekanalı həlak olmuş şəxsin ailəsinə istinadən bildirib.
Bununla da faciə zamanı həlak olanların ümumi sayı 98 nəfərə çatıb. Bu halda polis hələ informasiyanı təsdiq etməyib.
Qeyd edək ki, bir neçə gün əvvəl Mayami-Deyd dairəsinin məhkəməsi yaşayış evinin dağılması nəticəsində həlak olanların və zərərçəkənlərin ailə üzvlərinə azı 150 milyon ABŞ dolları məbləğində təzminat ödəmək barədə qərar çıxarıb.
Florida ştatında 12 mərtəbəli binanın bir hissəsi iyunun 24-də uçub.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button