Dünya

Ermənistanın keçmiş müdafiə naziri saxlanılıb

İkinci Qarabağ müharibəsi dövründə Ermənistanın müdafiə naziri olmuş David Tonayan saxlanılıb. 
“Report” xəbər verir ki, məlumatı “Qraparak” qəzeti yayıb.
Bu gün məhkəmə onun barəsində həbs qətimkan tədbirinin seçilməsi barədə təqdimata baxacaq.
16:59
Ermənistanın keçmiş müdafiə naziri David Tonoyanın yaşadığı evdə axtarış aparılıb.
“Report” xəbər verir ki, bu barədə “Qraparak” qəzeti məlumat yayıb.
Bildirilib ki, axtarışdan sonra David Tonayana qarşı ittiham irəli sürülə və o, tutula bilər.
Qəzetin yazdığına görə, Tonoyandan sonra növbə keçmiş müdafiə naziri Seyran Ohanyan və Ermənistan Silahlı Qüvvələri Baş Qərargahınn keçmiş rəisi Yuri Xaçaturovundur.
Qeyd edək ki, D.Tonayan İkinci Qarabağ müharibəsi zaman Ermənistanın müdafiə naziri olub. 2020-ci il noyabrın 10-da atəşkəs haqqında bəyanat imzalandıqdan bir müddət sonra vəzifəsindən uzaqlaşdırılıb.
Xatırladaq ki, 2019-cu ilin yayında Ermənistanın müdafiə naziri David Tonoyan “ərazi qarşılığında sülh”ü qəbul etmədiklərini bildirərək başqa bir tezis irəli sürmüşdü: “Yeni müharibə – yeni ərazi. Biz rəqibin ərazisində hərbi fəaliyyət göstərə bilmək üçün taqımların sayını artırmalıyıq”. Nikol Paşinyan isə onu dəstəkləyərək hökumət rəsmisinin dediklərini malalamağa çalışıb və yeni səhvə yol vermişdi: “Tonoyan başqa bəyanatla çıxış etsəydi, onu müdafiə naziri vəzifəsindən azad edərdim”.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button