Dünya

Ermənistan təyyarələrinin Türkiyə üzərindən uçması ilə bağlı danışıqlar aparılır

“Türkiyənin hava məkanının Ermənistan aviaşirkətinə məxsus təyyarələr üçün açılması istiqamətində danışıqlar aparılır”.
“Report” “Novosti Armeniya”ya istinadən xəbər verir ki, bunu “Ermənistan” hava şirkətinin direktorunun müavini və kommersiya işləri üzrə direktoru Gevork Xaçartryan keçirdiyi mətbuat konfransında bildirib.
Onun sözlərinə görə, 6 il Ermənistan təyyarələri Türkiyənin, Türkiyə təyyarələri isə Ermənistanın hava məkanı ilə uçub: “Sonuncu dəfə bu ilin martında Türkiyəyə müraciət etdik və rədd cavabı aldıq. Hazırda biz Türkiyə səması ilə uçuşlar həyata keçirmirik. Ancaq bu istiqamətdə danışıqlar aparırıq və irəliləyişlər var”.
Xaçatryan məsələnin tezliklə həll olunacağına ümid etdiyini bildirib.
Məlumata görə, 2020-ci il sentyabrın 9-dan Türkiyə Ermənistanda qeydiyyatdan keçən təyyarələr üçün öz hava məkanını bağlayıb.

REPORT

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button