İqtisadiyyat

Binalara qanunsuz artırmalar təhlükə mənbəyidir – ekspert

Çoxmənzilli binalara artırmalar artıq illərdir ki ənənə halını alıb. Bu artırmalar zamanı binalarda əlavə yüklənmələr və müəyyən konstruksiya dəyişiklikləri baş verir.

Bunu Trend-ə açıqlamasında əmlak eksperti Ramil Osmanlı bildirib.

O qeyd edib ki, binalara artırılan hissələrin müvafiq tikinti normlarına uyğun olmaması ilə bağlı narahatçılıqlar həddən artıq çoxdur:

“Lakin buna baxmayaraq bu prosses köhnə mənzil fonunda daha çox müşahidə olunur. Ən aktual mövzulardan biri isə xüsusilə zirzəmi və birinci mərtəbələrin qeyri-yaşayış sahəsinə çevrilməsi zamanı binaların əsas dayaq sütunlarının, yük götürən divarlarının söküntüsünə, onların ölçülərinin dəyişdirilməsinə rast gəlinir. Bu da olduqca təhlükəli tendensiyadır.”

Ekspert həmçinin bildirib ki, bu kimi artırmalar gələcəkdə binalarda qəzalı vəziyyətin yaranmasına səbəb ola bilər:

“Hər hansı bir zəlzələ halında artırılma olunan binaların uçma təhlükəsi yarana bilər. Artıq paytaxtda mənzil fondunun yenilənməsindən sonra bu tendensiyalar qismən aradan qalxıb. Lakin köhnə binalarda vəziyyət hələ də eyni qalır”

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button