İdman

Bakıda Akrobatika Gimnastikası üzrə final gününə start verilib

Bu gün Bakıda Milli Gimnastika Arenasında Akrobatika Gimnastikası üzrə 12-ci Dünya Yaş Qrupları Yarışlarının final gününə start verilib.

Trend-in məlumatına görə, bu gün, günün birinci yarısında 13-19 yaş kateqoriyası üzrə idmançılar arasında təsnifat mərhələsi keçiriləcək.

Balans hərəkətlərini qadın qruplar, temp hərəkətləri isə qadın cütlüklər tərəfindən təqdim olunacaq. Kvalifikasiyada Azərbaycanı Leyla Bəşirova, Nəzrin Fərmanova və Mənsumə Məmmədzadədən ibarət qadın qrupu təmsil edəcək.

Bu təsnifat mərhələsinin nəticələrinə əsasən qadın cütlükləri və qrupları arasında finalçılar müəyyənləşəcək.

Bundan əlavə, saat 15:00-da 13-19 yaş kateqoriyası üzrə gimnastlar arasında final yarışları başlayacaq. Finalın nəticələrinə əsasən qadın, qarışıq və kişi cütlükləri, eləcə də kişi və qadın qrupları arasında qalib və mükafatçılar bəlli olacaq.

Qeyd edək ki, martın 3-dən 6-dək Bakıda Akrobatika Gimnastikası üzrə 12-ci Dünya Yaş Qrupları Yarışları keçirilir.

Yarışda 24 ölkədən 438 gimnast iştirak edir.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button