Cəmiyyət

“AzInTelecom”a yeni sədr təyin olunub

Rəqəmsal İnkişaf və Nəqliyyat Nazirliyinə məxsus “AzInTelecom” MMC-nin İdarə Heyətinə sədr təyin olunub.

“Report”un əldə etdiyi məlumata görə, bu vəzifə Elxan Əzizova həvalə edilib.

O, Prezident yanında Dövlət İdarəçilik Akademiyasında “Dövlət idarəçiliyi” ixtisası üzrə bakalavr, ABŞ-ın Corcia Dövlət Universiteti ilə Azərbaycan Dövlət Neft və Sənaye Universitetinin birgə təşkil etdiyi MBA proqramı çərçivəsində “Biznesin idarəedilməsi” ixtisası üzrə magistr təhsili alıb, müxtəlif beynəlxalq kursları, eləcə də “Global Innovation Catalyst LLC” (GIC) və Stenford Universitetinin birgə təşkil etdiyi “Biznesin idarəedilməsi” kursunu uğurla bitirib.

E.Əzizov əmək fəaliyyətinə Nərimanov Rayon İcra Hakimiyyətində başlayıb, daha sonra “Edumedia – Azərbaycan” şirkətinin baş direktoru, nazirliyin Məlumat Hesablama Mərkəzinin (MHM) direktor müavini işləyib. Ötən il dekabrın 22-də MHM “AzInTelecom”a birləşdirilib və 2-ci yenidən təşkil edilib.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button