“Azərbaycanla dəmir yolu əlaqəsi 2-3 il ərzində bərpa olunacaq” – Nikol Paşinyan

Ermənistan və Azərbaycan Yerasx-Culfa-Ordubad-Mehri-Horadiz dəmir yolunun tikintisini 2-3 il ərzində başa çatdırmağı planlaşdırırlar.

“Dəmir yolu əlaqəsilə bağlı Azərbaycan Prezidenti İlham Əliyevlə prinsipial razılaşma var. Söhbət Yerasx-Culfa-Ordubad-Mehri-Horadiz dəmir yolunun bərpasından söhbət gedir. Ümid edirik ki, bu işi 2-3 il ərzində başa çatdıracağıq”, – Paşinyan deyib.

Yolun uzunluğu 340 kilometr olacaq, bunun 45 kilometri Ermənistan ərazisilə keçəcək. Tikintinin təxmini qiyməti 200 milyon dollardır. (Turan)