İdman

Azərbaycanın 4 şahmatçısı Dünya Kubokuna vəsiqə qazanıb

Sloveniyada kişi şahmatçılar arasında şəxsi Avropa çempionatı başa çatıb.

“Report”un məlumatına görə, sonuncu – XI turun görüşlərindən sonra Azərbaycan təmsilçilərinin yarışdakı yekun mövqeyi bəlli olub.

Yerli qrossmesyterlər arasında qitə birinciliyində ən yaxşı nəticəyə Vasif Durarbəyli imza atıb. O, Avropa çempionatını 8 xalla 8-ci sırada başa vurub.

Hərəyə 7,5 xal toplayan Abdulla Qədimbəyli, Misrətdin İsgəndərov və Qədir Hüseynov 9, 10 və 11-ci yerləri, Nicat Abbasov isə 25-ci pilləni tutub.

Yarışın qalibi 8,5 xalla almaniyalı Mattias Blübaum olub. İlk “20-lik”də qərarlaşan şahmatçılar 2023-cü ildə keçiriləcək Dünya Kubokuna vəsiqə qazanıb.

Qeyd edək ki, Azərbaycanı Avropa çempionatında həmçinin Vüqar Əsədli, Aydın Süleymanlı, Məhəmməd Muradlı, Eltac Səfərli, Gövhər Beydullayeva, Riad Səmədov, Murad İbrahimli, Şahin Vəliyev və Toğrul Həsənzadə təmsil ediblər.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button