İqtisadiyyat

Azərbaycanda telekommunikasiya sahəsində tənzimləyici qurum yaradılır

Yaxın vaxtlarda Azərbaycanda telekommunikasiya sahəsində tənzimləyici qurum yaradılacaq.
Bu barədə “APA-Economics”ə Azərbaycan İnternet Forumunun prezidenti Osman Gündüz deyib.
Onun sözlərinə görə, qeyd olunan məsələ ötən gün Nəqliyyat, Rabitə və Yüksək Texnologiyalar Nazirliyi yanında İctimai Şuranın internet provayderlərlə təşkil olunan görüşdə müzakirə olunub.
“Nazirlik rəsmisi bildirib ki, artıq tənzimləyici qurumun yaranması ilə bağlı işlər yekunlaşıb. İstisna deyil ki, tənzimləyici qurum, ilk növbədə, dövlətə məxsus resurslardan özəl şirkətlərin də bərabər əsasda istifadəsinə şərait yaradacaq. Bu məsələ də görüşdə vurğulanıb. Çox güman ki, tənzimləyici qurum yaradıldıqdan sonra bu məsələlər də öz həllini tapacaq. Mən belə qənaətə gəldim ki, tənzimləyici qurumun yaradılması artıq bir neçə günün məsələsidir. Bunun da bazara hədsiz dərəcədə böyük müsbət təsiri olacaq”, – deyə O. Gündüz qeyd edib.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button