Azərbaycanda ötən il sahibkarlar 130 milyon manatdan çox güzəştli kredit alıb

2021-ci ildə İqtisadiyyat Nazirliyinin Sahibkarlığın İnkişafı Fondu (SİF) proqnozdan 0,6 milyon manat çox – 130,6 milyon manat güzəştli kredit verib.

Bunu Fondun sədri vəzifəsini icra edən Osman Xaliyev bildirib.

Onun sözlərinə görə, bu məbləğ ümumi dəyəri 287,7 milyon manat olan 1 092 layihəyə ayrılıb.

Ötən il SİF-in verdiyi kreditlərin 60,4 milyon manatı və yaxud təxminən 46%-i kiçik və orta məbləğli kreditlər olub.