İqtisadiyyat

Avropada qazın qiyməti təxminən 2% ucuzlaşıb

Avropada qaz qiymətləri bazar ertəsi ticarətin əvvəlində orta hesabla 2% ucuzlaşıb.

Bunu ICE London Fond Birjasının məlumatları göstərir.

Ticarət sessiyasının açılışında Avropanın ən böyük habı olan TTF indeksi üzrə qazın iyun fyuçerslərinin dəyəri 1 000 kubmetr üçün 1 069,4 ABŞ dolları olub, sonra kotirovkalar bir qədər artaraq 1 105,2 dollar təşkil edib. Cümə günü hesablaşma qiymətinin 1 109,5 dollar olduğunu nəzərə alsaq, orta azalma 2% təşkil edir.

Avropada qazın qiyməti Ukraynada hərbi əməliyyatların başlanmasından sonra kəskin artıb: fevralın 23-də yaxın fyuçerslər üçün hesablaşma qiyməti min kubmetrə görə 1 038,6 dollar idisə, fevralın 24-də bu rəqəm təqribən 50% artaraq 1 555,5 dollara yüksəlib.

Ümumiyyətlə, son iki ayda minimum hesablaşma qiyməti aprelin 25-də qeydə alınıb – hər min kubmetr üçün 1 027,1 ABŞ dolları. Bundan sonra qaz fyuçersləri yenidən bahalaşaraq min kubmetr üçün 1 370 dollara çatıb. Kotirovkalardakı yeni kəskin artım Polşa və Bolqarıstanın qazın qiymətini rublla ödəməkdən imtina etmələrinə görə “Qazprom”un bu ölkələrə qaz tədarükünü dayandırması ilə bağlı olub.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button