Cəmiyyət

Aİ və BMT peşə təhsili istiqamətində yeni loqonu təqdim edir

 

Avropa İttifaqı və BMT-nin İnkişaf Proqramının dəstəyi ilə Peşə Təhsili üzrə Dövlət Agentliyinin yeni brend konsepsiyası hazırlanıb.

İstiqlal.az xəbər verir ki, yeni loqonun mərkəzində təsvir olunan insan silueti, insan kapitalının inkişafının əsas hədəf və prioritet olduğunu ehtiva edir. Loqoda, həmçinin elm və təhsilin insan inkişafındakı rolunu göstərən kitab və pero təsvirləri, müxtəlif peşə istiqamətlərini göstərən oxlar təsvir olunub. 8 guşəli ulduz isə milli-mənəvi dəyərlərə bağlılığı simvolizə edir.

PTDA-nın brend konsepsiyasının yenilənməsində əsas məqsəd tətbiq edilən yeniliklərin və peşə təhsili pilləsi ilə bağlı görülən işlərin daha effektiv formada geniş ictimaiyyətə çatdırılmasıdır. Həmçinin, peşə təhsilini ölkədə qadın və kişilərin gələcəyin peşələrinə daha yaxşı hazırlanması üçün uğurlu təhsil seçimlərindən biri kimi təqdim etməkdir.

Qeyd edək ki, Peşə Təhsili üzrə Dövlət Agentliyinin yeni brend konsepsiyası Aİ tərəfindən maliyyələşdirilən və BMTİP tərəfindən Peşə Təhsili üzrə Dövlət Agentliyi ilə birgə həyata keçirilən “Gələcək üçün Peşə Təhsili və Təlimi: Azərbaycanda Qabaqcıl Peşə Təhsili Mərkəzlərinin yaradılmasına dəstək” layihəsinin dəstəyi ilə ərsəyə gəlib. Layihənin əsas məqsədi əmək bazarının tələblərinə uyğun tədrisin təşkilinə dəstək olmaq və bu istiqamətdə Azərbaycandakı peşə təhsil müəssisələrinin müasirləşdirilməsinə yardım etməkdir.

Bənzər yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button