İdman

AFFA “Qəbələ”yə maliyyə yardımı edəcək

AFFA 2021/22 mövsümündə də “Qəbələ”yə maliyyə yardımı edəcək.
Apasport.az xəbər verir ki, bu barədə “qırmızı-qaralar” rəsmi saytı vasitəsilə məlumat yayıb.
Bildirilib ki, Premyer Liqanın növbəti mövsümündə də stabil maliyyə dayaqlarına malik olmaq məqsədilə “Qəbələ” ilə AFFA arasında aparılan danışıqlar və müzakirələr müsbət nəticələnib. Ötən mövsüm olduğu kimi, qarşıdan gələn çempionat dövründə də assosiasiya kluba maddi dəstək göstərəcək.
AFFA tərəfindən ayrılan maliyyə vəsaiti təkcə “Qəbələ”nin əsas komandasının çempionatda çıxışını təmin etməyə deyil, eyni zamanda, “Qəbələ” Futbol Akademiyasının da fəaliyyətinin dəstəklənməsinə yönəldiləcək.
Qeyd edək ki, “Qəbələ” Premyer Liqanın ilk turunda avqustun 15-də “Neftçi”nin qonağı olacaq.

APA

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button