Gündəm

ABŞ səfirliyində 11 sentyabr terror hücumlarının qurbanları yad edilib

Bu gün, sentyabrın 11-də Amerika Birləşmiş Ştatlarının (ABŞ) Azərbaycandakı səfirliyində 11 sentyabr terror hücumlarının qurbanları yad edilir.

Səfirliyin “Facebook” səhifəsindən paylaşılan xəbərdə qeyd olunur:

“11 sentyabr hadisələri Amerikanı və bütün dünyanı dəyişdirdi.”

Paylaşımda həlak olanlar qəhrəmanlar kimi anılır və onların xatirəsi yad edilir.

Xatırladaq ki, 20 il bundan əvvəl, 2001-ci ilin sentyabrın 11-də 20-ə yaxın intiharçı terrorçu dörd sərnişin təyyarəsini ələ keçirirək terror aktları törədiblər.Bu hücum nəticəsində 3 minədək insan həlak olub.

Qaçırılmış təyyarələrdən ikisi Nyu Yorkdakı o vaxt dünyada ən hündür tikili sayılan Dünya Ticarət Mərkəzinin binalarına çırpılıb.Terrorçular üçüncü təyyarəni Vaşinqtonun ətrafında yerləşən Pentaqona doğru yönəltmişdilər.Qaçırılan dördüncü təyyarənin heyəti və sərnişinləri terrorçulara mane olmağa çalışıb və təyyarə Pensilvaniya yaxınlığında qəzaya uğrayıb.

 

AZADLİQ.ORG

Bənzər yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button