İsrail Azərbaycana elə bir silah verdi ki: LORA İrəvanı darmadağın edə bilər

14/06/2020 [22:49] - Siyasət (419)



Azərbaycanın Müdafiə naziri Zakir Həsənov ötən ilin bu vaxtlarında jurnalistlərə verdiyi açıqlamada maraqlı bir məqama toxunmuşdu. Onun açıqlamasından az əvvəl ermənilər bildirmişdilər ki, onlar təmas xəttinə yaxın ərazilərdəki hərbi hissələrə baş çəkən Zakir Həsənovu məhv edə bilərmişlər. Ancaq bunu etməyiblər. Bu iddiaya münasibət bildirən nazir sual etmişdi ki, ermənilər onu hansı silahla təhdid edə bilərdilər? O, təmas xəttindən 38 km. kənarda olub. Onların isə heç 35 km. vuran silahı belə yoxdur. Bizdə isə var...

Bu məqamı təsadüfən xatırlatmadım.

Bu gün İsrailin “The Jerusalem Post” nəşri yazıb ki, iyunun 2-də İsrailin Aerokosmika sənayesi ("Aerospace İndustrie" aviasiya və kosmik fəza texnikasını birləşdirən bir sahədir. E.H.) rəsmən elan edib ki, İsraildə LORA (Long-Range Artillery Weapon Sistem. Uzaqmənzilli Artilleriya Sistemi) uğurla bütün sınaqdan keçib.

İsrail nəşri bildirir: "Bəzi xarici media orqanları yazıb ki, bu silah hələ 2018-ci ildə Azərbaycana göndərilib. Yəni 2020-ci ildə sınaqdan çıxan artilleriya sisteminin ilk partiyaları ölkəmizə göndərilib. Ən önəmlisi isə odur ki, bu silah yalnız Azərbaycana satılıb. Başqa bir ölkədə LORA silahı yoxdur".

Bəs LORA-nın parametrləri haqqında nə deyə bilərik?

Lora missile launcher.jpg

Bu məsələyə aydınlıq gətirmək üçün Qərb mənbələrinə nəzər saldıq. Məlum oldu ki, İsrail Müdafiə Nazirliyi bu silahı ötən ay ölkənin Aralıq dənizindəki sahilində də sınaqdan keçirib.

Kvaziballistik raket kimi tanınan LORA-nın çəkisi 1.6 tondur. Uzunluğu 5 metr, topun diametri 625 mm.dir. 600 kq. həcmində partlayıcı maddə daşıya bilir. 90-430 km. aralıqda olan hədəfi 10 metr dəqiqliklə vura bilir. Sürəti (hipersonic) səs sürətindən 5 dəfə (artıq da ola bilər) çoxdur. LORA həm gəmidən, həm də qurudan atəş açmaq qabiliyyətinə malikdir.

Onu da xatırlatmaqda fayda var ki, Bakı ilə İrəvan arasındakı məsafə 458 km.dir. Yəni bu raket sistemi ilə Azərbaycanın müxtəlif nöqtələrindən Ermənistanın paytaxtını rahat şəkildə vurmaq olar.

Bir daha Müdafiə naziri Zakir Həsənovun 2019-cu ilin bu vaxtlarında səsləndirdiyi bəyanata qayıdıram.

Cənab nazir “Azərbaycanda 35 kilometri vura biləcək silah var”, deyəndə, bəlkə də, LORA-nı nəzərdə tuturmuş...

Ona da diqqət etmək lazımdır ki, “The Jerusalem Post” LORA-nın Azərbaycana 2018-ci ildə verildiyini birmənalı şəkildə təsdiqləmir. Təbii ki, belə məlumatların təsdiqi və ya rəsmiləşməsi ortaya əlavə problemlər çıxara bilər.

Bir şeyə də diqqət edək. Son vaxtlar Ermənistan mediası yazır ki, Ermənistanın Tehrandakı səfirliyi qarşısında nümayişlər keçirilib. Toplaşanlar Ermənistanın İsraildə səfirlik açmasına etiraz ediblər. Bəllidir ki, Azərbaycan və Türkiyə tərəfindən sərhədləri bağlı olan Ermənistanın İranla da sərhəddinin bağlanması bu ölkəni məhvə sürükləyə bilər. O da sirr deyil ki, İran Ermənistanın ayaqda qalması üçün mümkün olduğundan da artığını edib. Ona görə də Ermənistanın İsraildə səfirlik açmaq istəyi İranda ciddi narazılıqla qarşılanır.

Orası da var ki, İsrail ilə Azərbaycan arasında olan ikitərəfli münasibətlər ən üst səviyyədədir.

Israel and Azerbaijan - An unbreakable strategic partnership ...

Elmar Məmmədyarov Qüdsdə əbədi alovu yenidən yandırır

Və bu, Azərbaycana, xüsusən, hərbi sahədə ciddi üstünlüklər verir. Azərbaycanın birdəfəyə İsraildən 5 milyard dollarlıq silah alması da yaddaşlardan silinməyib. O da təbiidir ki, Ermənistan bu münasibətləri əngəlləməyə çalışır. Çünki Azərbaycanın İsrail tərəfindən ən müasir silahlarla təchiz edilməsi Ermənistanın dövlət maraqlarına zərbədir. Bu məqsədlə də Ermənistan İsrailə yaxınlaşmağa cəhd göstərir. Ancaq İran buna imkan vermək fikrində deyil.

Onu da qeyd edək ki, İsrail ilə Azərbaycan arasında münasibətlər yüksək səviyyədə olsa da, Azərbaycanın İsraildə səfirliyi yoxdur. Etiraf olunmasa da, İran amili buna imkan vermir.

“The Jerusalem Post” nəşri bildirir: "Qərb mediası sual edir ki, necə ola bilər ki, sınaqdan çıxmayan dəhşətli bir silahı İsrail Ermənistanla müharibə şəraitində olan bir ölkəyə verir. Bəlkə, İsrail bu silahın Azərbaycan-Ermənistan müharibəsində sınaqdan keçirmək istəyirmiş?"

Qəzet vurğulayır ki, Azərbaycan yeganə ölkədir ki, bu silahı alıb, çünki İsrail-Azərbaycan münasibətləri strateji xarakter daşıyır. Bu ölkələr arasında hərbi-texniki əməkdaşlıq yüksək səviyyədədir. Hökumətlərarası münasibətlər də ən yüksək səviyyədədir və qarşılıqlı inama söykənir, həm də bu ölkələr arasında davamlı dialoq mövcuddur.

Qəzet qeyd edir ki, İsraildə böyük Azərbaycan icması var. Onlar yerli cəmiyyətə yüksək səviyyədə inteqrasiya olunublar və bu ölkədə Azərbaycanı ləyaqətlə təmsil edirlər.

Məqalədə deyilir: “Bugünkü Azərbaycan Ordusu güclü və müasirdir, əla silahlarla təchiz edilib. Güclü nizam-intizama və döyüş ruhuna malikdir. Bu ordu ən yüksək standartlara cavab verir. Onu da unutmayaq ki, kim daha öncül hərbi texniki vasitələrə malikdirsə, onlar döyüş zamanı uğurlu hərbi əməliyyatları əminliklə həyata keçirə bilirlər".

"Avrasiyada İsrailə Azərbaycandan daha yaxın bir ölkə yoxdur. Bu yaxın əlaqələrin kökündə dayanan səbəb isə odur ki, iki onillikdən artıqdır ki, bu ölkələr dostluq münasibətindədir. Bu münasibətlərin formalaşmasına Azərbaycanda yerli əhali ilə orada yaşayan yəhudi icması arasındakı xoş münasibətlərin mövcud olması da ciddi təsir göstərir”.

Məqalədə deyilir: “Bu gün Azərbaycan güclü müstəqil dövlətdir. Cənubi Qafqazda geosiyasi və geoiqtisadi sahənin inkişafında lider ölkədir. Azərbaycan rəsmi Ankara və Tehrandan asılı olmayan çoxşaxəli xarici siyasət yeridir. Geosiyasi maneələrə baxmayaraq, İsrail və Azərbaycan güclü və sarsılmaz münasibətlər qura biliblər”.

Qəzet yazır: “2016-cı ilin dekabrında İsrail Baş Naziri Benyamin Netanyahu Bakıya rəsmi səfər etdi. O, İsrail-Azərbaycan münasibətlərindən danışarkən dedi: “Bizim dünyaya göstərə biləcəyimiz bir şey də var. Bu dünyanın hər yerində o qədər dözümsüzlük (qeyri-tolerantlıq), zülmət görürük ki. Və Azərbaycan bir nümunədir ki, müsəlmanlarla yəhudilər arasındakı münasibətlər hər yerdə necə ola bilər və necə olmalıdır”.

Azərbaycan sadəcə İsrailin müsəlman dünyasındakı strateji müttəfiqi deyil, həm də dinlərarası və etnik qruplar arası gözəl münasibətlərə nümunə bir ölkədir. Yəhudilərə ehtiram göstərilən bu ölkənin prezidenti İlham Əliyevin göstərişi ilə paytaxtda iki sinaqoq açılıb və Cənubi Qafqazda ən böyük yəhudi təhsil mərkəzi Azərbaycanda yerləşir. İsrail və ABŞ-dan sonra yəhudilərin kompakt yaşadığı bir yer var, o da Azərbaycanın payına düşür və ora Qırmız Qəsəbə kimi tanınır...
Türkiyə minaaxtaranları Qarabağda əməliyyata başladılar
Azərbaycanda distant təhsil müddəti uzadılıb
Laçın rayonunun yol nişanları hazırdır
Gəncə şəhər Baş Polis İdarəsinə yeni rəis təyin edilib
Azərbaycanda son sutkada 2981 nəfər COVID-19-a yoluxub
Xəbər lenti
30/11/2020 [20:46]:
Türkiyə minaaxtaranları Qarabağda əməliyyata başladılar
30/11/2020 [20:11]:
Azərbaycanda distant təhsil müddəti uzadılıb
30/11/2020 [19:37]:
Neft ucuzlaşdı
30/11/2020 [19:13]:
Laçın rayonunun yol nişanları hazırdır
30/11/2020 [18:21]:
KİV: Paşinyanın Rusiyaya səfəri ləğv olunub
30/11/2020 [17:59]:
Gəncə şəhər Baş Polis İdarəsinə yeni rəis təyin edilib
30/11/2020 [17:28]:
Azərbaycanda son sutkada 2981 nəfər COVID-19-a yoluxub
30/11/2020 [17:17]:
Yerevanda əsgər valideynləri yenidən etiraza qalxdı
30/11/2020 [17:03]:
ANAMA: İşğaldan azad olunmuş ərazilərin 80 faizi partlayıcı maddələr baxımından təhlükəlidir
30/11/2020 [16:14]:
Qonşu ölkələrdə koronavirusla bağlı son vəziyyət
30/11/2020 [15:47]:
Baş Prokurorluq vətəndaşlara müraciət edib
30/11/2020 [15:28]:
Moldova prezidenti hökuməti istefaya çağırdı
30/11/2020 [14:46]:
Ukraynada karantin qaydalarını pozan azərbaycanlılar deportasiya olunub
30/11/2020 [13:59]:
Azərbaycan Ermənistan sərhədinə qədər yeni yol çəkir
30/11/2020 [13:22]:
Təhsil naziri Tibb Universitetinin qəzada ölən tələbələri ilə bağlı paylaşım edib
30/11/2020 [13:15]:
Dekabr ayına olan hava proqnozu açıqlanıb
30/11/2020 [12:24]:
Eduard Şərmazanov: "Paşinyan həyasızcasına yalan danışır"
30/11/2020 [11:29]:
ABŞ-ın baş infeksionisti: “Məktəbləri yox, barları bağlayın”
30/11/2020 [11:02]:
Azərbaycanda yeni qızıl yatağı istismara verilib
30/11/2020 [10:33]:
"Bütün imkanlarımızla Azərbaycanı haqlı mübarizəsində dəstəkləyəcəyik" - Türkiyə Milli Müdafiə Nazirliyi
30/11/2020 [09:41]:
Ceyhun Bayramov iranlı həmkarına başsağlığı verdi
29/11/2020 [23:52]:
Türkiyə ordusu Azərbaycana nə vaxt gəlir? - rəsmi
29/11/2020 [23:08]:
Ermənistan prezidenti Paşinyanı istefaya çağırdı
29/11/2020 [22:16]:
“Qarabağ” xal itirib - XI tur
29/11/2020 [21:34]:
Azərbaycan diasporu yeni və çətin mərhələyə keçib: əsl mübarizə hələ qabaqdadır
Bütün xəbərlər...
Həftənin ən çox oxunanları
Qarabağa görə 2021-ci ilin dövlət büdcəsi dəyişdirilir - təhlil
Kəlbəcərin işğaldan azad olunması: rayonun iqtisadi potensialı və gözləntilər
“The Jerusalem Post”: Azərbaycan İsrail üçün mühüm ölkədir
İşğaldan azad edilən şəhər və kəndlərimiz - siyahı
Ermənilər Ağdamda bütün tarixi abidə və binaları məhv ediblər - Ağdam teatrının direktoru
Azərbaycan Ordusunun bölmələri Kəlbəcər rayonuna daxil olub - rəsmi
Avropa Mərkəzi Bankı: Avrozonadakı bankları çətin günlər gözləyir
"Ermənistan ordusu tamamilə məhv oldu" - keçmiş baş nazir
"Qarabağ" klubu UEFA-nın qərarına etiraz edəcək
Dağlıq Qarabağda 180-dən artıq yaşayış məntəqəsi Azərbaycana veriləcək
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin