Ordumuzda keyfiyyət dəyişiklikləri göz qabağındadır - Məhərrəm Əliyev

19/03/2020 [16:15] - Siyasət (255)



Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Hərbi məsələlər şöbəsinin müdiri general-polkovnik Məhərrəm Əliyevin Trend-ə müsahibəsi:

- Bildiyimiz kimi, Azərbaycan Respublikası Prezidenti, Silahlı Qüvvələrin Ali Baş komandanı cənab İlham Əliyevin tapşırığına əsasən, bu günlərdə Müdafiə Nazirliyinin rəhbər heyəti ilə birlikdə düşmənlə təmas xəttində yerləşən hərbi hissələrdə olmusunuz. Səfəriniz barədə mətbuatda ətraflı məlumat verilib. Bununla bağlı Sizin təəssüratlarınızı öyrənmək oxucular üçün maraqlı olardı. Təbii olaraq ictimaiyyəti, o cümlədən əsgər ailələrini ilk olaraq Ordumuzda mövcud olan sosial-məişət şəraiti maraqlandırır. Bu barədə fikirlərinizi bilmək istərdik.

- Əvvəla onu qeyd edim ki, “Ordumuzda görülən uğurlu işlər nəticəsində əldə olunan müsbət dəyişikliklər Müdafiə Nazirliyinin bütün strukturlarında öz əksini tapıb. Əldə olunan nəticə göz qabağındadır və bu hər bir ölkə vətəndaşında qürur hissi doğurur.

Xüsusi olaraq qeyd etmək istəyirəm ki, bütün bu müsbət dəyişikliklər Azərbaycan Respublikası Prezidenti, Silahlı Qüvvələrin Ali Baş Komandanı cənab İlham Əliyevin prioritet elan etdiyi Ordu quruculuğu prosesinə göstərdiyi diqqət və qayğı sayəsində mümkün olmuşdur.

Ordumuzda mövcud sosial-məişət şəraitindən danışarkən, əgər paytaxt yaxınlığında və yaxud böyük şəhərlərdə dislokasiya olunan hərbi hissələrdən misal çəksəm, istər-istəməz hər kəsdə belə fikir yaranar ki, şəhər mühitində şəraiti yaratmaq mümkündür və bu asan məsələdir.

Lakin istənilən hava şəraitindən asılı olmayaraq Vətənimizin keşiyində ayıq-sayıq dayanan hərbi qulluqçularımız üçün qoşunların təmas xəttində, düşmənlə üzbəüz mövqelərdə və 2016-cı ilin Aprel döyüşləri zamanı azad edilən Lələtəpə yüksəkliyində yaradılan şəraitin şahidi olmaq qəlbləri fərəh və qürur hissi ilə doldurur.

Dövlətimizin qayğısı nəticəsində hər yerdə olduğu kimi, döyüş bölgəsində yerləşən hərbi hissələrdə də sözün həqiqi mənasında maddi-texniki təminat məsələləri yüksək səviyyədə həll olunub. Hərbi qulluqçuların xidmət və yaşayışı üçün gözəl şərait yaradılıb. Biz bir daha bunun şahidi olduq və gördüklərimizdən məmnun qaldıq.

- Qoşunların təmas xəttində mövcud əməliyyat şəraiti və şəxsi heyətin xidməti barədə fikirlərinizi öyrənmək də yerinə düşərdi.

- Cəbhəboyu zonada əməliyyat şəraiti ordumuzun tam nəzarətindədir. Şəxsi heyətin döyüş ruhu, mənəvi-psixoloji durumu, bölmələrimizin döyüş hazırlığı yüksəkdir. Düşmənin bütün fəaliyyəti müşahidə altındadır və onun ehtimal olunan bütün təxribatlarının qarşısını almağa Ordumuz tam hazırdır.

Hərbi qulluqçular üzərlərinə düşən vəzifənin əhəmiyyətini, vacibliyini düzgün qiymətləndirməyi bacarırlar. Şəxsi heyət torpaqlarımızı azad edərək ölkəmizin ərazi bütövlüyünün təmin edilməsi kimi müqəddəs vəzifəni uğurla yerinə yetirmək üçün daima döyüş hazırlıqlarını artırmaqda davam edir.

- Hərbi qulluqçularla görüşünüz, söhbətləriniz zamanı hansı mövzular Sizin diqqətinizi cəlb etdi.

- İlk olaraq onu qeyd edim ki, söhbətimizin leytmotivi əsasən hərbi vətənpərvərlikdən, yüksək döyüş ruhundan, şəxsi heyətin Ali Baş Komandana, Hərbi Anda, Vətənə sədaqətindən, dövlətimizin hərbi qulluqçuların xidməti-döyüş şəraitinin yaxşılaşdırılması istiqamətində gördüyü işlərin əhəmiyyətindən və şəxsi heyətin minnətdarlığından ibarət oldu.

Bilirsiniz, səngərdə gecə-gündüz Vətənə sinəsini sipər edən hərbi qulluqçular öz üzərində dövlətimizin diqqət və qayğısını hiss etdikcə, yaşam şəraitindən, ailəsindən, evindən, gələcəyindən nigaran qalmadıqca, onların öz peşəsinə, vəzifəsinə və qarşısında qoyulan tapşırıqların icrasına həvəsi, məsuliyyəti birə-on qat artır. Bu gün Ordumuzun şəxsi heyəti bu qayğını, arxayınlığı hiss edir və vicdanla, var gücü ilə Vətənə xidmətini davam etdirir.

Hamıya məlumdur ki, ölkə prezidenti cənab İlham Əliyev və Birinci vitse-prezident Mehriban xanım Əliyeva Vətən uğrunda şəhid olmuş hərbi qulluqçuların ailələrinə, döyüşlər zamanı yaralanmış hərbçilərimizə, hazırda xidmətdə olan hərbi qulluqçulara diqqət göstərir, hərtərəfli dəstək verir və onların qayğılarına həssaslıqla yanaşırlar. Bütün bunlar da təbii olaraq şəxsi heyətin məsuliyyətini, ruh yüksəkliyini artırır, ordumuzun döyüş əzmini daha da gücləndirir.

- Hamımız şahidi oluruq ki, dövlətimizin iqtisadi gücü yüksəldikcə, ölkəmizin hərbi qüdrətinin, Ordumuzun döyüş hazırlığının artırılması istiqamətində də tarixi addımlar atılır, ən müasir silah, sursat və hərbi texnika alınaraq hərbi hissələrimizin istifadəsinə verilir. Bununla bağlı hərbi hissələrimizdə gördükləriniz barədə danışmanızı xahiş edərdik.

- Tam düzgün vurğuladınız ki, dövlətimizin iqtisadi gücü yüksəldikcə Ordumuz üçün ən müasir silah, sursat və hərbi texnika alınır. Bu da təbii olaraq qoşunların döyüş qabiliyyətini qat-qat artırır və döyüş hazırlığının yüksəlməsinə öz müsbət təsirini göstərir. Cəbhə bölgəsində olarkən bütün bunların da canlı şahidi olduq.

Həqiqətən də hərbi hissələrimizdə ən müasir döyüş texnikası mövcuddur və şəxsi heyətin bunlardan bacarıqla istifadə edərək düşmən üzərində tam qələbəni təmin edəcəyinə əmin ola bilərsiniz.

- Belə bir deyim var ki, “kadrlar hər şeyi həll edir”. Eyni zamanda ideoloji iş, yüksək döyüş ruhu və hərbi kollektivlərin mənəvi-psixoloji durumu da qələbənin əldə edilmsində əsas amillərdən biridir. Zabitlərimizin, kiçik komandir heyətinin, əsgərlərimizin peşəkarlığı, döyüş ruhu və mənəvi-psixoloji durumu Sizdə hansı təəssüratlar yaratdı?

- Bildiyiniz kimi döyüş bölgəsində səfərdə olarkən bir sıra hərbi hissələrə və ön xətt mövqelərinə baş çəkdik. Zabitlərin xidmət, döyüş hazırlığı və əməliyyat şəraiti barədə məruzələrini dinlədik. Ən əsası bütün kateqoriyalardan olan hərbçilərin inamlı davranışı, yüksək döyüş ruhu, qələbə əzmi, mənəvi-psixoloji hazırlığı və peşəkarlığı diqqətimizi cəlb etdi.

Tarix göstərir ki, həqiqətən düşməni məğlub edərək qələbənin qazanılmasında əmri icra edən döyüşçülərin ideoloji hazırlığının, psixoloji durumunun vəziyyəti peşəkarlıqla eyni dərəcədə əhəmiyyət kəsb edir. Zabitlərlə söhbət edərkən bu qənaətə gəldik ki, Müdafiə Nazirliyinin rəhbərliyi qoşunların hazırlıq sistemində bəhs etdiyimiz məsələləri daim diqqətdə saxlayır.

Bu gün Azərbaycan Ordusunda aparılan ideoloji iş, mənəvi-psixoloji hazırlıq, şəxsi heyətdə yüksək əhval ruhiyyə və ruh yüksəkliyini təmin etməyə yönəldilən hərbi vətənpərvərlik tədbirlərinin bir məqsədi var. Bu da Vətənimizi düşməndən qorumaq, işğal edilmiş torpaqları azad edərək ərazi bütövlüyümüzü təmin etməkdir.

Hərbçilərimizin peşəkarlığından danışarkən deyə bilərəm ki, zabitlərimiz, kiçik komandir heyəti, əsgərlərimiz daima öz üzərində çalışır, qazanılan uğurlardan arxayınlaşmır, əksinə müntəzəm olaraq peşəkarlıqlarını artırmaqla məşğul olurlar.

Bildiyiniz kimi 2014-cü ildən başlayaraq Ali Baş Komandanımız cənab İlham Əliyevin göstərişinə əsasən döyüş təminatını müəyyən edən vəzifələrə müddətdən artıq həqiqi hərbi xidmət hərbi qulluqçularının intensiv qəbuluna başlanıldı. Bu addım peşəkar ordu quruculuğunun göstəricilərindən biridir. Ön xətt mövqelərində müxtəlif vəzifələrdə 5, hətta 10 ildən çox müddətdən artıq həqiqi hərbi xidmət keçən hərbi qulluqçularla ünsiyyətdə olduqca, onların peşəkarlığı, bacarığı və döyüş hazırlığının yüksəldilməsinə verdikləri töhfəni gördükcə ölkə prezidentinin bu addımının nə qədər uzaqgörən və vaxtında qəbul edilmiş qərar olduğunun şahidi olduq.

Mətbuatdan da izlədiyiniz kimi Müdafiə nazirinin əmri ilə şəxsi heyət döyüş texnikasının təlim-həyəcan siqnalı ilə əraziyə çıxarılması üzrə tapşırıqları icra etdi. Döyüş hazırlığının yüksək olması, zabitlərin və kiçik komandirlərin peşəkarlığı, düzgün qərarlar qəbul edərək əmrlərin dəqiq icrasına nail olmaq bacarığı kimi müsbət keyfiyyətlər də bu tapşırığın uğurla icra edilməsinə zəmin yaradan amil kimi diqqətimizi cəlb etdi.

Həyəcan siqnalı ilə qaldırılma prosesini izlədikdən sonra tam səmimiyyətlə demək olar ki, Ordumuz müxtəlif qoşun növlərinin qarşılıqlı əlaqədə, uzlaşdırılmış hərəkət edən, yüksək döyüş hazırlığına malik vahid hərbi kollektivdir.

Sonda səfər zamanı gördüklərimizi bir cümlə ilə ifadə etmək gərəkdirsə, deyə bilərəm ki, xalqımızın güvənc yeri olan Ordumuz Ali Baş Komandanın istənilən döyüş əmrini yerinə yetirməyə tam hazırdır.

- Ənənəvi olaraq sonda hərbçilərimizə arzularınız.

- Fürsətdən istifadə edərək şəhid ailələrini, sağlamlığını itirən döyüşçülərimizi, hörmətli veteranlarımızı, Müdafiə Nazirliyinin rəhbərliyi başda olmaqla bütün şəxsi heyəti, mülki əməkdaşları, onların ailə üzvlərini və ən nəhayət bu an səngərlərdə ayıq-sayıq dayanan əsgər balalrımızı xalqımızın qədim tarixə malik Novruz bayramı münasibətilə ürəkdən təbrik edir, hər birinə möhkəm cansağlığı, uzun ömür, ailə səadəti və şərəfli xidmətinlərində yeni uğurlar arzulayıram.
Azərbaycanda daha 3 712 nəfər koronavirusa yoluxub - 35 nəfər ölüb
Qarabağda investisiya qoyulması üçün geniş imkanlar yaradılacaq - Mikayıl Cabbarov
Azərbaycan Fransaya nota verdi
Millət vəkili gələn ilin dövlət büdcəsi layihəsindəki əsas prioritet istiqamətləri açıqlayıb
Ermənilər Ağdamda bütün tarixi abidə və binaları məhv ediblər - Ağdam teatrının direktoru
Xəbər lenti
27/11/2020 [17:02]:
Özbəkistanda bu il Azərbaycan kapitallı 65 müəssisə fəaliyyətə başlayıb
27/11/2020 [16:34]:
Azərbaycanda daha 3 712 nəfər koronavirusa yoluxub - 35 nəfər ölüb
27/11/2020 [15:46]:
Rusiya XİN: Dağlıq Qarabağ nizamlanması ilə bağlı Türkiyəylə təmasdayıq
27/11/2020 [15:09]:
Allahverdi Bağırovun zabit qızları 27 illik işğaldan sonra atalarının məzarı başında
27/11/2020 [14:18]:
Noyabrın 28-ə hava proqnozu
27/11/2020 [13:40]:
Fuad Nağıyev: “Qarabağ yeni turizm destinasiyası kimi dünyaya təqdim olunacaq”
27/11/2020 [13:32]:
Ermənistandan Zod qızıl yatağı barədə açıqlama: “Azərbaycanın nəzarətindədir”
27/11/2020 [13:20]:
Koreya Səfirliyindən Məcburi Köçkünlərə Dəstək Tədbiri
27/11/2020 [12:23]:
Rusiyalı politoloq: “Fransa Qarabağ münaqişəsinin həlli prosesindən çoxdan çıxıb”
27/11/2020 [11:37]:
İsrailli ekspert: "Kəlbəcərdəki dini abidələrin erməni kilsəsinə dəxli yoxdur"
27/11/2020 [10:48]:
Dağlıq Qarabağda 180-dən artıq yaşayış məntəqəsi Azərbaycana veriləcək
27/11/2020 [09:56]:
"Qarabağ" klubu Ağdama gedəcək
27/11/2020 [00:34]:
İşxan Saqatelyan: - Ermənistanda hakimiyyət yoxdur
26/11/2020 [23:47]:
Azərbaycanla Belarus arasında birbaşa aviareyslər bərpa edilir
26/11/2020 [23:02]:
Qüdrət Həsənquliyev amnistiya təklif edir - movqe
26/11/2020 [22:34]:
Türkiyə və İranın Azərbaycandakı səfirləri görüşüb
26/11/2020 [21:53]:
Qarabağda investisiya qoyulması üçün geniş imkanlar yaradılacaq - Mikayıl Cabbarov
26/11/2020 [21:06]:
Fransanın 8 senatoru Qarabağla bağlı qətnaməyə verdiyi səsi geri götürdü
26/11/2020 [20:21]:
Azərbaycan Fransaya nota verdi
26/11/2020 [19:32]:
"Qarabağ" klubu UEFA-nın qərarına etiraz edəcək
26/11/2020 [18:56]:
Azərbaycanda gündəlik yoluxma sayı 3705-ə çatdı
26/11/2020 [18:19]:
Millət vəkili gələn ilin dövlət büdcəsi layihəsindəki əsas prioritet istiqamətləri açıqlayıb
26/11/2020 [18:10]:
Qızıl sərmayə əhəmiyyətini itirir?
26/11/2020 [17:48]:
Ermənilər Ağdamda bütün tarixi abidə və binaları məhv ediblər - Ağdam teatrının direktoru
26/11/2020 [17:11]:
Çavuşoğlu və NATO Baş katibi Qarabağı müzakirə etdi
Bütün xəbərlər...
Həftənin ən çox oxunanları
Qulamhüseyn Əlibəyli: Fransa ilə bütün əlaqələrin kəsilməsi müzakirəyə çıxarılmalıdır
Ordumuz Ağdama Azərbaycan Bayrağını sancıb - rəsmi
Azərbaycanla İordaniya arasında tarixi abidələrlərlə bağlı müzakirələr
Türkdilli ölkələrin beyin mərkəzlərinin görüşü Şuşada keçirilə bilər
Şəfiqə Məmmədova: “Rasim Ocaqov Milli Kinomuzun simvolikasıdır”
"Taqovı"da vandallıq - hansı dövlət qurumu məsuliyyət daşıyır?
Oktyabr ayı üzrə bütün müavinət və təqaüdlər ödənildi - rəsmi
Qarabağa görə 2021-ci ilin dövlət büdcəsi dəyişdirilir - təhlil
Azərbaycan Ordusunun bölmələri Kəlbəcər rayonuna daxil olub - rəsmi
Bu gündən özəl sektorda çalışanların sayı 30 faizədək azaldılacaq - rəsmi
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin