Ermənistan ağasını dəyişməyə hazırlaşır - xəyanət planı

08/02/2020 [13:39] - Siyasət (940)



Kreml danışmanının qəzəbli açıqlamasının arxasındakı motiv; işğalçı ölkədə anti-Rusiya ovqatı, faşizmə rəğbət  güclənir; rusiyalı politoloq: “İrəvan nə edirsə, Bakının xeyrinədir...”
Azərbaycanı-Rusiya əlaqələri Bakının balanslı xarici siyasət kursuna uyğun olaraq, dinamik inkişafını davam etdirir. Bu siyasətin effektliliyinin daha bir təzahürü Azərbaycan paytaxtının vaxtaşırı Rusiya və NATO Baş Qərargah rəislərinin görüşü üçün ev sahibliyi eləməsidir. Növbəti belə görüş srağagün Bakıda reallaşıb.

Bu, sözsüz ki, ən əvvəl Azərbaycanın müstəqil siyasət kursuna, bölgədəki yerinə və nüfuzuna verilən dəyərdir. Azərbaycan beləcə, istər sərhəd qonşusu Rusiya, istərsə də Qərb ölkələri və NATO ilə əlaqələrin normal məcrada getməsinə diqqət edir. Təbii ki, böyük və yaxın qonşumuz Rusiya ilə strateji tərəfdaşlıq əlaqələri həmişə məxsusi önəm kəsb edib. Həm də o səbəbə ki, bu ölkənin ərazisində yarım milyona yaxın azərbaycanlı yaşayır və Moskva Qarabağ məsələsində əsas vasitəçi dövlət, konfliktin həllində unikal rıçaqa malik olan fövqəlgücdür.

Azərbaycanda rus dili və mədəniyyətinin inkişafı da daim diqqətdədir. O dərəcədə ki, hətta Rusiyanın strateji müttəfiqi Ermənistan buna həsəd apara bilər - harada ki, əksinə, rus amili ilbəil daha güclü şəkildə sıxışdırılır. Moskvanın Ermənistanın əsas varlıq qarantı olmasına rəğmən, təcavüzkar ölkədə anti-Rusiya ovqatı xüsusən də iki öl öncəki “məxməri inqilab”dan sonra daha da güclənib. İş o yerə çatıb ki, Gümrüdəki 102 saylı Rusiya hərbi bazasının Ermənistandan çıxarılması tələbi ilə vaxtaşırı etiraz aksiyaları da keçirilir. Son olaraq Rusiya telekanallarının yayımının məhdudlaşdırılması yönündə müzakirələr aparılır.

Bütün bunları təbii ki, Moskvada həssaslıqla izləyir və istər-istəməz, komandasının yarıdan çoxu “qərbyönlü uşaqlar”dan ibarət olan Nikol Paşinyanın ayağına yazırlar. Baxmayaraq ki, Paşinyan dəridən-qabıqdan çıxır ki, Kreml onu özününkü kimi qəbul eləsin. Hələ ki, o, istəyinə nail ola bilməyib. Rəsmi Moskvanın Ermənistan hökumətinə inamsızlığı davam edir. Bu etimadsızlığın qayəsində indi  həm də Ermənistanda son illər yuxarıdan-aşağı faşizmə, onun Qaregin Njde kimi ideoloqlarına və əlaltılarına rəğbətin artması durur.

Azərbaycanın və onun rəhbərliyinin isə bənzər problemi yoxdur. Bakı-Moskva tərəfdaşlıq münasibətləri yüksək səviyyədədir və bir çox analitiklərə görə, hətta Moskva-İrəvan müttəfiqlik münasibətlərindən də dərindir. O ayrı məsələ ki, bu yaxınlıq hələ ki, Dağlıq Qarabağ konfliktinin həllində özünü pozitiv planda göstəməyib. Lakin artıq Kremldə də başa düşməmiş deyillər ki, Azərbaycanla əlaqələrin zirvəyə çatmasına məhz həll olunmamış Qarabağ problemi əngəl yaradır və onu nizama salmaq həm də Rusiyaya əlavə ciddi dividentlər gətirə bilər.

Aydındır ki, Azərbaycan xalqı Dağlıq Qarabağ konfliktinin ədalətli həllinə ciddi töhfə verən bir dövləti heç vaxt unutmayacaq və ona həmişə inam-etimad bəsləyəcək. Demək, o halda Azərbaycan sarıdan, onu xarici siyasət prioritetləri və siyasi oriyentasiyası baxımından  əmin-arxayın olmaq olar. Rusiyanın belə bir şansı qalır. Amma  zaman da az qalıb. Çünki günün birində başqa bir ədalətli vasitəçi, başqa bir supergüc tapıla və konflikti çözə bilər.

Məsələ də ondadır ki, əgər Rusiya həmsərhəd ölkələrlə möhkəm əlaqələr qurmaq onların etibarını qazanmaq istəyirsə, o zaman həmin ölkələrin ərazisindəki münaqişə ocaqlarını körükləməkdə yox, nizamlamaqda maraqlı olmalıdır. Yəni Kreml ənənəvi siyasətini dəyişmək zorundadır. O halda postsovet ölkələrin Qərbə doğru getməsi ilə bağlı Moskvanın narahatlığına da əsas qalmaz. Ancaq görəndə ki, bu münaqişələr on illərdir məhz Moskvanın tormozlayıcı rolu nəticəsində öz həllini tapmır, aydındır ki, nicat yolu başqa istiqamətlərdə axtarılacaq.

Söz düşmüşkən, bu günlərdə Rusiya Liberal Demokrat Partiyasının rəhbəri, Kremlin danışmanlarından sayılan Vladimir Jirinovski jurnalistlərə açıqlamasında belə bir fikir söyləyib ki, postsovet məkanındakı bütün Avropa ölkələrindən yalnız Azərbaycan Rusiyadan Qərbə üz çevirməyəcək.

Sitat: “Bütün qərb ərazisi - üç Baltikyanı dövlət, Ukrayna, Belarus, Moldova, Gürcüstan, Ermənistan tədricən Qərbə doğru yönələcək və antirus plasdarmına çevriləcəklər. İstisna hal yalnız Azərbaycan olacaq. Azərbaycan duruş gətirə bilər. Çünki onun başçısı digər keçmiş sovet ölkələrinin başçılarından daha müdrikdir”.

Diqqət edildisə, işğalçı Ermənistanın da adı çəkilib. Maraqlıdır ki, bu arada Soros Fondu Ermənistan KİV-lərinə anti-Rusiya təbliğatı aparmaq üçün 1.5 milyon dollar yardım ayırması haqda xəbər yayılıb. Bildirilir ki, həmin vəsaiti alan Demokratiya Uğrunda Milli Fond və ardıcıl rusofoblardan və Paşinyanın tərəfdarlarından olan Daniel Ovanisyan öhdəlik götürüb ki, Ermənistanın Avrasiya İqtisadi Birliyi və KTMT-dən (“Rus NATO-su”) çıxması üçün təbliğatı davam etdirəcək. Hakimiyyət isə ona heç bir əngəl yaratmır.

Rusiyalı politoloq Yevgeni Mixaylova görə, bu fakt bir daha Ermənistanın siyasi elitasının böyük hissəsinin Rusiya ilə əlaqələri pisləşdirməyə meylli olduğunu təsdiqləyir. “Yeni Müsavat”ın məlumatına görə, mediaya açıqlamasında politoloq səbəbi belə izah edib: “Çünki sirr deyil ki, Nikol Paşinyan hökumətinin az qala, yarısı Sorosun əlaltılarıdır və onlardan anti-Rusiya ritorikasını gücləndirməkdən savayı nəsə gözləməyə dəyməz. İndi İrəvan nə edirsə, mövcud situasiyada yalnız Bakının xeyrinə edir. Çünki Moskva kimin onun üçün həqiqi tərəfdaş və müttəfiqi olmasına getdikcə daha çox əminlik hasil edir. Bu, açıq-aşkar indiki Ermənistan deyil”.

*****

Jirinovskinin və rusiyalı siyasi təhlilçinin Ermənistanla bağlı qəzəb və narahatlığı anlaşılandır. Tarix boyu olduğu kimi, yenə nankor ermənilər, onların yeni rəhbərliyi öz ağalarını dəyişmək üçün növbəti fürsət axtarırlar - özü də Qarabağı da özləri ilə götürüb “aparmaqla”.

Xəyanət planı alınacaqmı?.. 

“Yeni Müsavat”ın analitik xidməti

Ata-anasını itirmiş qız 500 manat borca görə imtahana buraxılmır - təfsilat
Bakıda koronavirusa yoluxma ən çox hansı rayonda qeydə alınıb? - statistika
Bəzi adamlar ekstremal vəziyyətlərə hazır deyil - Qulamhüseyn Əlibəyli
Qulamhüseyn Əlibəyli Sülhəddin Əkbərə cavab verdi - İttihamlar sağlam məntiqə və vaxtilə tutduğu posta uyğun gəlmir
Küçəyə çıxmaq qadağası Türkiyədə çoxdan tətbiq edilir - Qulamhüseyn Əlibəyli
Xəbər lenti
11/07/2020 [22:35]:
Rəssamın “Zəfər tağı” əsəri 22,5 milyon dollara satılıb
11/07/2020 [21:29]:
Antonio Konte transferlərə ən azı 180 milyon avro xərclənməsini tələb edib
11/07/2020 [20:32]:
Fövqəladə vəziyyət rejimi iyulun 31-dək uzadılıb
11/07/2020 [18:42]:
NASA və Yaponiya Ayı birgə tədqiq edəcək
11/07/2020 [17:57]:
ABŞ analoqundan 17 dəfə sürətli olan raket hazırlayır
11/07/2020 [16:41]:
İlham Əliyev Monteneqronun Prezidentini təbrik edib
11/07/2020 [16:40]:
IEA ABŞ-da neft hasilatının artacağını proqnozlaşdırır
11/07/2020 [16:28]:
İsmayıllıda 1 tona yaxın narkotik vasitə məhv edilib
11/07/2020 [15:49]:
Arif Qasımovun işdən çıxarılmasına səbəb olan VİDEO
11/07/2020 [15:33]:
Yaş corab geyinməyin faydaları - VİDEO
11/07/2020 [15:02]:
Hindistan 123-dən çox ölkəni zəruri dərman preparatları ilə təmin edib
11/07/2020 [15:01]:
Prezident bu icra başçısını işdən çıxardı - Sərəncam
11/07/2020 [14:51]:
10 minə yaxın məhkum azad ediləcək
11/07/2020 [13:30]:
ABŞ-ın üç ştatları sahillərində qasırğa təhlükəsi elan edilib
11/07/2020 [12:46]:
FİFA DÇ-2022-nin seçmə mərhələsini təxirə salıb
11/07/2020 [12:14]:
Azərbaycan da Rusiya kimi maska rejimini ləğv edə bilərmi?
11/07/2020 [11:44]:
Liviya limanlarla neft ixracını bərpa edir
11/07/2020 [11:14]:
İMF: Dünyada dövlət borcları ÜDM-i üstələyir
11/07/2020 [10:47]:
Qüdsdəki Müqəddəs Məzar Kilsəsi yenidən bağlanıb
11/07/2020 [10:19]:
“Mayası xəyanətdən yoğrulmuşlar sadəlöhvcəsinə düşünürlər...”
11/07/2020 [10:00]:
Rusiya iyulun 15-dən beynəlxalq uçuşları tədricən bərpa edəcək
10/07/2020 [23:57]:
"Keşlə" anqolalı hücumçusu ilə müqaviləni yeniləyib
10/07/2020 [22:39]:
TAP kəmərinin İtaliya hissəsinə qazın vurulmasına avqustda başlanacaq
10/07/2020 [21:47]:
Notr-Dam kilsəsinin dam örtüyü bərpa olunacaq
10/07/2020 [21:38]:
Ağstafa Rayon İcra Hakimiyyəti başçısının birinci müavini işdən çıxarıldı
Bütün xəbərlər...
Həftənin ən çox oxunanları
Bu gündən magistraturaya qəbul olunanların qeydiyyatı başlayır
DTX-nin XİN-də keçirdiyi əməliyyatın görüntüləri
Azərbaycanda daha 513 nəfər koronavirusa yoluxub - 8 nəfər vəfat edib
Bir neçə rayona yeni prokuror təyin olundu
Qulamhüseyn Əlibəyli: "Qanunun sərt üzü yalnız adi vətəndaşlar üçün deyil"
Avropa Pakistanın Hava Yollarını bağlayır
3 ölkə arasında müasir və proqresiv ticarət sazişi (T-MEC) qüvvəyə minir
3 yaşlı oğlan uşaq terror hücumunda sağ qalıb
“Xınalıq” UNESKO-nun Dünya İrs Siyahısına namizədlik üçün İlkin Siyahıya salınıb
Hazırlanmaqda olan koronavirus vaksininin əsas üstünlüyü açıqlanıb
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin