Aprel döyüşlərində iştirak etməyən oliqarx qazi ilə bağlı bilinməyən gerçəklər

08/01/2020 [16:12] - Gündəm (8440)



Şəhidlərimizin, qazilərimizin sayı çox olsa da, onlara cəmiyyətdə hörmət, ehtiram sonsuzdur.

Düzdür, şəhid ailələrinin, qazilərin hamısı yağ-bal içərisində yaşamır. Bir çoxları bu adın arxasına keçib, öz həyatını qurmur. Onlar təbii ki, torpaqlarımız işğal altında olduğu üçün utanır, özünə ayıb bilir. Ancaq şəhid ailələri, qazilər içərisində elə tiplər də var ki, bu addan istifadə edərək, artıq harınlamış məmura dönüblər.

Onlardan biri də 60 saylı Salyan-Neftçala seçki dairəsindən namizədliyini verən Kamil Musavidir.

Kamil Musaviyə qazi kimi hər kəsin hörməti var. Ancaq onun qazi adından istifadə edərək etdikləri isə birmənalı qarşılanmır. Kamil Musavi aktiv döyüş zamanı yox, xüsusi bir əməliyyata keçid təşkil edilərkən, öz səhvi ucbatından minaya düşüb. Bu barədə onunla eyni vaxtda minaya düşən Elşən Yusifov danışıb. Elşən Yusifov deyir: "Mən ərazini açırdım. Kamil həyəcanlı idi. Kamil bir getdi- gəldi, iki- getdi gəldi. Üçüncüdə düşdü məndən arxada qalan minaya. Dediyim o kəndirdən 30 sm sağa çıxmışdı. Gözünü və ayağını itirdi".

İndi burada maraqlı bir sual ortaya çıxır. Bu günə qədər Elşən Yusifov adlı şəxsi tanıyırdınız? Efirlərdə görmüsünüz, ona ev bağışlanıb? Yox!

Kamil Musavi nəinki öz imtiyazlarından, ondan daha çox şeylərdən istifadə edib. O qazi adından istifadə edərək, Bakı şəhərindən bir neçə ev də alıb. Türkiyəlilər demiş "dövlətin malı dəniz, yeməyən donuz", prinsipi ilə əli, gücü, imkanı hara qədər çatır, o qədər də qazi adından yararlanaraq özünə gün ağlayır. Bəlkə də kimsə deyəcək bacarana, baş qurban. Ancaq müqəddəs addan istifadə edərək bacardıqları, cəmiyyətdə şəhid, qazi adına ləkə gətirməkdədir. Ümumiyyətlə, Kamil Musavi artıq oliqarx qaziyə çevrilib. Bir çox döyüş generallarının, zabitlərin ala bilmədiyi imtiyazları alır.

İfşa olunmayana qədər Kamil Musavi bir çox tədbirlərdə özünü Aprel döyüşlərinin iştirakçısı, Aprel qazisi kimi təqdim edib. Aprel qazilərini aşağı-yuxarı hər birimiz tanıyırıq. Xüsusi Təyinatlı Qüvvələrdə xidmət edib, Aprel döüyşlərində qazi olanlar tədbirlərə utana-utana gəldiyi halda, Kamil Musavi daim başda olur, ağız dolusu danışır. Yalanı ifşa ola-ola bu şəxs necə hələ də ortalıqda gəzir, bəlli deyil.

Nəinki bir ayağını, iki ayağını, iki əlini, iki gözünü itirən qazilərimiz var. Onlar kasıbçılıqda yaşadığı halda, heç kimə ağız açmadığı halda, Kamil Musavinin hər şeylə təminatı varkən, acgözlük edib, durmadan qazi adından istifadə edir. Ümumiyyətlə, Kamil Musavi ehtiyaclar içərisində yaşayan qazilərdən utanır. Döyüş şəraitində yaralanan əsgərlərdən, zabitlərdən utanır? Olanları görəndə, adam əmin olur ki, yox. Yaxşı ki, Kamil Musavinin yaşı Qarabağ müharibəsinə çatmayıb, yoxsa ölkənin yarısını qaziyəm deyib, mənimsəyərdi.

İndi Kamil Musavi deputatlığa namizdəliyini verib. Təbii ki, qanunun tələblərinə cavab verən hər bir vətəndaş deputatlığa namizdəliyini verə bilər. Ancaq görünən odur ki, Kamil Musavi qazi adından istifadə edərək, deputat da olmaq istəyir. Sual yaranır, bir yerdə yaralandığı şəxslərə heç bir dəstəyi (söhbət maddi dəstəkdən getmir, mənəvi və informasiya dəstəyindən gedir) dəyməyən şəxs, xalqa necə dəstək olacaq? Xalqın dərdinə necə yanacaq?

Yüzlərlə şəhid ailəsi, qazilər, veteranlar tanıyırıq. Onların bir çoxu ümumiyyətlə, o ada ləkə gəlməsin deyə, ən xırda bir məsələdə belə, bu addan öz xeyirlərinə istifadə etmirlər. Belə şəxslərə hər kəsin hörməti sonsuzdur. Daim də elə qalacaq. Ancaq Kamil Musavi kimi bu adın arxasına keçərək, hər şeyi qazanmaq istəyənlər isə, birmənalı olaraq ikrah hissi oyadırlar.

Kamil Musavinin şəxs kimi, vətəndaş kimi deputat olmaq istəyinə, hörmətimiz sonsuzdur, ancaq qazi adından, əlil adından istifadə edərək bu yolda can qoyması təkcə vətəndaşları deyil, elə qaziləri, əlilləri, şəhid ailələrini də narazı salır. Qazi deputat olmaz demək deyil bu, bu, deputat olmaq istəyənin qazi adını ləkələnməsindən narahatçılıqdır.
Ata-anasını itirmiş qız 500 manat borca görə imtahana buraxılmır - təfsilat
Bakıda koronavirusa yoluxma ən çox hansı rayonda qeydə alınıb? - statistika
Bəzi adamlar ekstremal vəziyyətlərə hazır deyil - Qulamhüseyn Əlibəyli
Qulamhüseyn Əlibəyli Sülhəddin Əkbərə cavab verdi - İttihamlar sağlam məntiqə və vaxtilə tutduğu posta uyğun gəlmir
Küçəyə çıxmaq qadağası Türkiyədə çoxdan tətbiq edilir - Qulamhüseyn Əlibəyli
Xəbər lenti
14/07/2020 [15:43]:
Rusiyanın xarici borcu 20 milyard dollara yaxın artıb
14/07/2020 [14:50]:
C vitaminini təbii olaraq hansı qidalardan alaq?- SİYAHI
14/07/2020 [14:41]:
Azərbaycanın Tovuz rayonu sahəsində atəşkəsin pozulması Ermənistanın növbəti təxribatıdır
14/07/2020 [13:47]:
Dünyanın əksər ölkələri Azərbaycanın təşəbbüsünü dəstəkləyir
14/07/2020 [13:33]:
Gürcüstan xarici dövlətlərə olan borcunun həcmini açıqlayıb
14/07/2020 [13:28]:
Düşmənin növbəti uğursuzluğu
14/07/2020 [13:27]:
Daha 7 şəhidimiz var olub SİYAHI
14/07/2020 [13:19]:
YA BATAQLIQDA GÜL AÇIB, YA DA DÜNYA DƏYİŞİB?
14/07/2020 [13:15]:
Dünya dövlətləri pandemiyaya qarşı birgə mübarizə aparmalıdırlar
14/07/2020 [13:09]:
Ordumuzun qələbə çalacağı gün uzaqda deyil
14/07/2020 [12:53]:
Pakistan Ermənistanın təxribatını pisləyib
14/07/2020 [12:49]:
Azərbaycan XİN: Ermənistan silahlı qüvvələri Tovuzda mülki şəxsləri hədəfə alıb
14/07/2020 [12:49]:
Koronavirus qızıl pasportları da dəyərsizləşdirib
14/07/2020 [12:15]:
Göyçayda güclü külək və leysan yağışı fəsadlar törədib
14/07/2020 [11:46]:
"Mançester Yunayted" qələbəni son dəqiqədə əldən verib
14/07/2020 [11:12]:
Braziliyada bir sutkada 20,2 mindən çox insanda koronavirus aşkar olunub
14/07/2020 [10:40]:
"Türk Hava Yolları" beynəlxalq uçuşlarının sayını artırır
14/07/2020 [10:00]:
Kriştianu Ronaldo "Yuventus"da qalacaq
13/07/2020 [23:57]:
Ölkədə 76 obyektdə qayda pozuntuları aşkarlanıb
13/07/2020 [22:45]:
“Münaqişə Azərbaycanın ərazi bütövlüyü çərçivəsində həll olunmalıdır” – Ukrayna XİN-dən bəyanat
13/07/2020 [22:40]:
Azərbaycandan Ukraynaya 171 milyon dollarlıq neft ixrac edilib
13/07/2020 [21:39]:
Azərbaycan və Türkiyə Xarici İşlər nazirləri arasında telefon danışığı olub
13/07/2020 [21:23]:
Azərbaycan peşəkar milli teatrı 147-ci mövsümə yekun vurub
13/07/2020 [21:11]:
Qazaxstan Tovuzda baş vermiş təxribatla bağlı bəyanat verdi: “Yardım göstərməyə hazırıq”
13/07/2020 [20:38]:
2025-ci ildə Bakıda Avropa çempionatı olacaq
Bütün xəbərlər...
Həftənin ən çox oxunanları
Qulamhüseyn Əlibəyli: "Qanunun sərt üzü yalnız adi vətəndaşlar üçün deyil"
İyulun 20-dən sonra karantin rejimi uzadılacaq? - RƏSMİ
Hikmət Hacıyev: "Çox köklü səhiyyə islahatlarının aparılması nəzərdə tutulurdu"
Koronavirus xəstəliyinin ağırlıq dərəcəsi açıqlandı
Kukla Teatrı “Çəkməli pişik” tamaşasını onlayn nümayiş etdirəcək
Müslüm Maqomayev adına müsabiqə gələn ilin aprelində keçiriləcək
Kukla Teatrı “Qızıl balıq” tamaşasını onlayn nümayiş etdirəcək
David Silva "Mançester Siti" ilə vidalaşdı
Notr-Dam kilsəsinin dam örtüyü bərpa olunacaq
Qüdsdəki Müqəddəs Məzar Kilsəsi yenidən bağlanıb
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin