Bakının İrəvana Yeni il “hədiyyələri”

31/12/2019 [19:33] - Siyasət (1063)



Paşinyanın sıfra yaxınlaşan reytinqi, fiasko olan vədləri və “iki stul” siyasəti, düşmən ölkədə güclənən aprel zərbəsi xofu; Azərbaycan müharibə hazırlığını bitirib...

Başa çatmaqda olan 2019-cu il də əsas problemimiz olan Qarabağ məsələsində ciddi dönüş ili olmadı. Regional, beynəlxalq şərtlər nə dinc nizamlama prosesində mühüm irəliləyişə, nə də Bakının hərbi gücə əl atmasına imkan verdi. Yenə “qızıl fürsəti” gözləməli olduq. Hərçənd bir sıra istiqamətlərdə (Qazax, Naxçıvan) ordumuz əlavə taktiki və strateji üstünlüklər əldə elədi. O cümlədən Ermənistanı işğal altındakı Dağlıq Qarabağla birləşdirən əsas yola nəzarət imkanı qazandıq ki, bu da yeni müharibə variantında çox böyük əhəmiyyət daşıyır.

Bu il həmçinin Azərbaycan qardaş Türkiyə ilə siyasi-hərbi müttəfiqliyini daha da gücləndirdi. İki ölkədə keçirilən birgə hərbi təlimlər, hərbi-texniki sahədə dərinləşən əlaqələr, intensivləşən qarşılıqlı səfərlər, anklav Naxçıvanın Türkiyə tərəfdən təhlükəsizliyinin daha etibarlı səviyyəyə gətirilməsi, yeni və müasir hücum və müdafiə sistemlərinin alınması, yerli hərbi sənayenin inkişafında ciddi uğurlar - bütün bunlar kompleksdə faktiki surətdə Azərbaycanın qalibiyyətli müharibə hazırlığını tam başa çatdırdığının anonsu oldu. Bakıdan 2019-da düşmənə verilən ən güclü mesaj da elə budur - sülhə gəlməzsə, işğalçı mütləq müharibəyə tuş gələcək... 
“Dağlıq Qarabağ münaqişəsi hazırda dinamik dəyişikliklər mərhələsindədir. Bu konfliktdə Ermənistanın status-kvonu dəyişdirmək istəməməsi təhlükənin ehtimalını artırmaqdadır”. Bunu Silahlı Qüvvələrin Hərbi Akademiyasının rəisi, general-leytenant Heydər Piriyev deyib.

“Azərbaycan prezidenti İlham Əliyev açıq bəyan edib ki, Azərbaycanın ərazi bütövlüyü danışıqların mövzusu deyil və heç vaxt olmayacaq. Azərbaycan bu mövqedən bir addım belə geri çəkilməyəcək. Yəni Azərbaycanın ərazi bütövlüyü məsələsində heç bir güzəşt olmayacaq. Rusiyanın Soçi şəhərində keçirilən ”Valday" Forumundakı çıxışında prezidenti İlham Əliyevin dediyi “Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi” fikri bu münaqişənin həllinin necə nəticələnməli olduğunu birmənalı şəkildə göstərir" - general vurğulayıb.

Azərbaycanlı general Ermənistana xəbərdarlıq da edib: “Ermənistan anlamalıdır ki, Azərbaycan ərazisinin hərbi işğalı və status-kvonun saxlanılması münaqişənin həlli deyil və heç vaxt Ermənistanın arzuladığı siyasi nəticəni verməyəcək. 2016-cı il aprel döyüşləri də göstərdi ki, tərəflər arasındakı hərbi balans Azərbaycanın xeyrinə dəyişib. Ermənistan münaqişənin həlli prosesində konstruktiv şəkildə iştirak etməli, beynəlxalq öhdəliklərini yerinə yetirməli və qoşunlarını Azərbaycanın işğal olunmuş torpaqlarından çıxarmalıdır”.

Bunu indi həm də hərbi balansın Azərbaycanın xeyrinə getdikcə daha böyük fərqlə dəyişməsi diktə edir.

*****

“Böyük ehtimalla Azərbaycan tərəfi istədiyini əldə edəcək. Biz buna hazır olmalı və Rusiyanın yeni nəsil qırıcılarını Azərbaycana satmasına təəccüblənməməliyik”.

Bu sözləri “Revyu” proqramının efirində siyasi elmlər namizədi, Cənubi Qafqazın geosiyasəti üzrə erməni mütəxəssis Anjela Əlibəyova (Elibeqova) deyib. Dağlıq Qarabağ münaqişəsinin həllinin mümkün ssenariləri barədə danışan Əlibəyova 2020-ci ildə Azərbaycanda seçkilərin gözlənildiyini və çox şeyin Bakıdakı siyasi proseslərdən asılı olacağını qeyd edib: “Azərbaycan münaqişəni hərbi yolla həll etməyə çalışır, ancaq bu, təkcə Bakının deyil, həm də üçüncü tərəflərin mövqeyindən asılıdır. Hazırda Azərbaycan aprel döyüşlərindən sonra olduğu kimi, diplomatik alibi təmin etmək məqsədilə ATƏT-in Minsk Qrupu həmsədrləri ilə fəal danışıqlar aparır. O zaman Azərbaycan genişmiqyaslı hücum təşkil etdi və heç bir beynəlxalq təşkilat rəsmi Bakıya qarşı çıxış etmədi”.
Bu arada Ermənistan baş naziri Nikol Paşinyanın reytinqinin il sonu ən aşağı həddə düşdüyü məlum olub. “Yeni Müsavat” xəbər verir ki, bu barədə “168 am” erməni nəşri yazıb. Nəşr öz qaynaqlarına istinadən bildirir ki, sosioloji layihənin nəticələrinə görə, erməni cəmiyyəti 2020-ci ildə Nikol Paşinyanı öz lideri kimi görmək istəmir. “Son nəticələr göstərir ki, Nikolun reytinqi 19%-dən 5%-ə düşüb” - qəzet qeyd edib.

Xatırladaq ki, ictimai rəyi öyrənən GALLUP təşkilatı bugünlərdə Ermənistan hökumətinə məhz Paşinyanın arzuladığı sorğunun nəticələrini təqdim edib. Yəni erməni baş nazirə guya cəmiyyətin onun dəstəklədiyi görüntüsü yaradılır. Halbuki reallıqda Paşinyanın reytinqi sıfra doğru gedir. Erməni nəşri bunu toplumun Paşinyana Yeni il “hədiyyəsi” adlandırıb.

*****

Bu “hədiyyə” əslində Bakınındır. Və təkcə bu deyil. Məsələ ondadır ki, məhz işğalçı ölkəyə qarşı ələlxüsus 2019-cu ildə aparılan sərt blokada və təcrid siyasəti, Ermənistanın bütün iri layihələrdən kənarda saxlanılması, beynəlxalq arenada, Qarabağla bağlı təbliğat savaşında ona ard-arda edilən diplomatik zərbələr düşmən ölkənin özünü demokratik sayan yeni rəhbərliyini də “naqolay” duruma saldı. Nikol Paşinyanın Qərbdə - ABŞ və Avropada maliyyə və siyasi dəstək almaq şanslarını sıfırladı. Hətta Rusiya da ona gözlədiyi dəstəyi vermədi. O səbəbə ki, İrəvanın məkrli “iki stul” siyasəti də Bakının səyləri nəticəsində fiasko oldu.
Üstəlik, Azərbaycanın verdiyi unikal fürsəti tam yanlış qiymətləndirdiyi üçün yeni hökumət Ermənistanda heç bir ciddi islahat həyata keçirə, verdiyi iqtisadi vədləri tuta bilmədi. Nəticədə Paşinyanın daxili dayaqları ilsonu heç vaxt olmadığı qədər sarsıldı. İşğalçı ölkədə müharibə təlaşı, Bakıdan yeni aprel zərbəsi almaq xofu xeyli artdı.

Yeni 2020-ci ildə bu xof və təlaşın Azərbaycanın xeyrinə maddiləşməsi üçün bütün əsaslar var. Qarabağ konflikti ətrafında situasiya təzə ildə gerçəkdən də dəyişə bilər...

“Yeni Müsavat”ın analitik xidməti
Ermənilərin cavabını Müdafiə Nazirliyi verməlidir - Qulamhüseyn Əlibəyli
Pandemiyadan zərər çəkmiş sahələrə 533 milyon manat yardım edilib - rəsmi
Vətəndaş cəmiyyətinin pandemiya sınağı
Macarıstandakı azərbaycanlılar İlham Əliyevdən yardım istəyir - müraciət
Korrupsiya birbaşa milli təhlükəsizliyimizə təhdiddir - Qulamhüseyn Əlibəyli
Xəbər lenti
28/05/2020 [23:58]:
Ötən il Gürcüstanın qaz tələbatının 93%-ni Azərbaycan ödəyib
28/05/2020 [22:39]:
Avropa səhiyyəsi üçün 9,7 milyard avroluq proqram hazırlanıb
28/05/2020 [21:41]:
Azərbaycan ötən il Gürcüstanın əsas qaz təchizatçısı olub
28/05/2020 [20:32]:
"Qalatasaray" "Atletiko"nun müdafiəçisini istəyir
28/05/2020 [19:30]:
Azərbaycanda daha 191 nəfər koronavirusa yoluxdu
28/05/2020 [18:54]:
Gürcüstan koronavirus testindən keçməyən turistləri ölkəyə buraxmayacaq
28/05/2020 [18:30]:
Gürcüstan prezidenti Azərbaycan xalqını təbrik etdi
28/05/2020 [18:12]:
Vyetnam və Laos rəhbərləri Prezident İlham Əliyevi təbrik ediblər
28/05/2020 [17:50]:
Donald Tramp sosial medianı bağlayacaqlarını istisna etməyib
28/05/2020 [17:37]:
Ərdoğan Azərbaycan xalqını təbrik etdi
28/05/2020 [16:34]:
Əhali gəzintiyə qrafiklə çıxacaq
28/05/2020 [15:56]:
Pakistanın Baş Naziri İlham Əliyevə təşəkkür etdi
28/05/2020 [15:24]:
Fransada COVID-19 xəstələrinin sayı azalır
28/05/2020 [14:36]:
Azərbaycanda quraşdırılan elektron kassaların sayı 10%-dən çox artıb
28/05/2020 [13:42]:
Braziliyada bir gündə koronavirusa on minlərlə yoluxma qeydə alındı
28/05/2020 [13:40]:
Prezidentlə xanımı “Qobu Park - 3” yaşayış kompleksinin açılışını etdi
28/05/2020 [13:20]:
La Liqa üçün yeni təqvim təsdiqləndi
28/05/2020 [13:09]:
Mayk Pompeo Azərbaycan xalqını təbrik edib
28/05/2020 [12:48]:
Xəstəxanalarda koronavirusa yoluxmuş xəstə qalmayıb
28/05/2020 [12:17]:
Avstriya klubu millimizin futbolçusu ilə yollarını ayırdı
28/05/2020 [11:53]:
Kukla Teatrı sosial şəbəkədən “Çəkməli pişik” tamaşasını nümayiş etdirəcək
28/05/2020 [11:31]:
COVİD-19 pandemiyası: ümid hazırda bir dərmana qalıb
28/05/2020 [11:20]:
Prezident “İstiqlal abidəsi”ni ziyarət etdi
28/05/2020 [10:45]:
4 ayda banklardan 8 milyard dollar əmanət çıxarılıb
28/05/2020 [10:00]:
Aİ Belarusla viza rejiminin sadələşdirilməsi sazişini təsdiqləyib
Bütün xəbərlər...
Həftənin ən çox oxunanları
Ermənilərin cavabını Müdafiə Nazirliyi verməlidir - Qulamhüseyn Əlibəyli
Ramin Bayramlı: "Gələn ay iri ticarət mərkəzlərinin açılması gündəmdədir"
Seyid Əzim Şirvaninin qəzəllərinin özbək dilinə tərcüməsi başa çatıb
Sirli koronavirus insan orqanizmini necə məhv edir...
Bu Gün Beynəlxalq Çay günüdür
Oksford Universiteti koronavirusa qarşı peyvənd sınaqlarının ikinci mərhələsinə başlayıb
Aİ-nin turizm nazirləri videokonfrans keçiriblər
Məhəmməd Əmin Rəsulzadənin 1907-ci ildə çəkilmiş fotosu – Stalinlə dost olduğu, “Hümmət”ə üzv olduğu zamanlar
Mədəniyyət Nazirliyinin tabeliyindəki müəssisələrdə “açıq qapı” günləri təşkil olunacaq
Prezident və xanımı Şamaxıda Pir Ömər Sultan ziyarətgahında bərpa-konservasiya işləri ilə tanış olub
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin