Deputat Elmira Axundova 30 milyonluq mal-mülkü necə əldə edib? - məhkəmə işi

11/12/2019 [16:18] - Gündəm (765)



Binəqədi Rayon Məhkəməsində hakim İlkin Əliyevin sədrliyi ilə deputat Elmira Axundova və oğlu Həbib Axundovun iddiasına baxılıb. Hakim deputat xanımın və oğlunun şikayətini araşdıraraq hesab edib ki, verdikləri şikayət qanuni və əsaslı deyil. Ona görə də şikayəti təmin etməyib

Bu iddianın meydana çıxmasına səbəb olan hadisələr 2013-cü ildə cərəyan edib. Həmin il Elmira Axundova və oğlunun adı mətbuatın gündəminə 8 milyon manatlıq dələduzluq işinə görə gəlib. İş üzrə zərərçəkənlər ölkə rəhbərliyinə, mətbuata üz tutaraq deputatın, oğlunun adı keçən dələduzluq işinin ört-basdır edilməsinin qarşısını almağa çalışırdılar. Buna Elmira Axundova parlamentdə əyləşdiyi müddətdə əsasən nail də olmuşdu.

Məsələnin mahiyyəti də bu idi ki, Elmira Axundova oğlunun biznes qurduğunu deməklə ətrafındakı müəyyən şəxslərə həmin biznesə yatırım etməyə çağırmışdı. Adamlar əllərindəki pul-paranı Elmira Axundovanın oğluna vermişdilər. Bir neçə aya toplanan milyonları isə Elmira Axundova “biznes ruxnul” deməklə sahiblərinə qaytarılmasının mümkünsüzlüyünü diqqətlərinə çatdırmışdı. Üstəlik, şikayət edən zərərçəkənlərin susdurulması üçün addımlar da atılmışdı. Ortada olan faktlar, dəlillər isə iş üzrə bütün oxları Elmira Axundovaya, onun oğluna tərəf çevirirdi. Amma buna baxmayaraq, Elmira Axundova istədiyi hökmləri məhkəmələrdən ala bilirdi.

“Dünyada hər şeyi pul həll edir”. Buraxılmış parlamentin deputatı Elmira Axundova bu sözləri müsahibələrindən birində söyləmişdi və bunu elə-belə, sözgəlişi demirdi. Deputat xanımda bu fikirlər uzun zaman kəsiyində formalaşıb yazsaq, yanılmarıq.

Mətbuatdan da bəllidir ki, Elmira Axundova oğlu Həbib Axundovun dəbdəbəli, eyş-işrət dolu həyatını geniş ictimaiyyətdən gizlətməyə çalışır. 

Bu yolda deputat mandatı Elmira Axundova üçün “sehirli çubuğa” çevrilmişdi. Döymədiyi qapı, dəng eləmədiyi vəzifə sahibi qalmamışdı. İstədiyi də oğlunun növbəti, heç bir əndazəyə sığmayan cinayətə bərabər hərəkətlərinin ört-basdır edilməsi olurdu. Həbib Axundov isə hər dəfə daha artıq, daha böyük səs-küylərin mərkəzinə gəlirdi.

Bu hay-küyün içində isə Elmira Axundovanın mandat altından ələ aldığı mal-mülklərin siyahıları, oğlunun biznes adı ilə dost-tanışdan aldığı milyonları əslində anasına daşıdığı da şübhə doğurmurdu.

Elmira Axundovanın adı bu illər ərzində cinayət işlərinin əsas siması kimi keçib. Məsələn, bu gün dələduzluğa görə həbsdə olan Elnur İbrahimov axtarışa verilənə qədər Elmira Axundovanın evinin daimi sakini olub. Hətta Elnur İbrahimovun cinayət işinə əlavə edilən sənədlərdə onun Elmira Axundovaya günaşırı 5 min manat pul aparmasını təsdiqləyən telefon yazışmalarının çıxarışı - sms-lər də var. Həmin çıxarış cinayət işinə əlavə edilsə də, bu günə qədər qiymət verilməyib.

Hazırda dələduzluğa görə həbsdə olan Elnur İbrahimovun Həbib Axundovla yazışdığı SMS-in məğzi belədir.

Elnur İbrahimov Həbib Axundova yazır:

(Yazışmanın orijinal variantını saxlayırıq)

- Ushaq gelib qaqash ashaqdadi gonder kimse gedib gotursun pulu 5000 azn 1300 men sene bir azdan verecem, 19/01/2013, 20:04:57,

Həbib Axundovun cavabı:

- Gorushdeyem danisha bilmirem, 19/01/2013, 20:05:17,

Elnur İbrahimov:

- Af centrda ashaqda, 19/01/2013,20:06:04,

Həbib Axundov 2 ardıcıl sms yollayıb:

- Kim Afcentrdadir debil, 19/01/2013, 20:06:13,

Yiq mani da gE.(nalayiq ifadə), 19/01/2013, 20:06:48,

Elnur İbrahimov:

- Hafiz dunen gelen ushaq mamanin 5000 ni getirib.

Nümayiş olunan bu sms əslində Elmira Axundovanın Elnur İbrahimovun suçlu olduğu iş üzrə əsas şəxs kimi nəzərdən keçirməyə də imkan verir. Ən azı Elmira Axundovanı çağırıb Elnur İbrahimovdan 5 min manatı hansı xidmətlərə görə aldığını sorğulamaq bu gün də aktuallığını qoruyub saxlayır. Bu həmin Elnur İbrahimovdur ki, dələduzluğa görə 9 illik cəzaya məhkum olunub. Ona Elmira Axundovanın adından oğlu Həbib Axundov əfvlə azadlığa çıxacağını vəd edib!

Deyib ki, anası Elmira Axundova Əfv Komissiyasının üzvüdür, onu “yarım sroka” azad etdirəcək. Elmira Axundova dələduzluğa görə həbsə alınan Elnur İbrahimovu hansı məziyyətinə görə azad etdirəcək?

Eyni zamanda Elnur İbrahimovun Elmira Axundovaya, onun “AF Sentr” ticarət mərkəzinin yerləşdiyi binadakı mənzilinə günaşırı 5 min manat daşıması da sənədlərlə təsdiqini tapır.

Rəsmi ittiham sənədlərinə görə, işdə söhbət 8 milyon manatdan getsə də, ortada ələ keçirilən məbləğin qat-qat artıq olduğunu söyləməyə əsas verən məlumatlar var.

Elmira Axundova deputat olana qədər “Moskviç-412"də gəzib. Bu gün isə milyonlarla dəyəri olan varidat sahibəsidir. Azı 30 milyonluq mal-mülki haqda məlumatlar ortalıqdadır. Cibində mandat gəzdirdiyi dövrdə sahibləndiyi mal-mülkün, milyonların mənbəyi haqda adının qarışdığı dələduzluq işindən savayı məlumat yoxdur...

Təqdim olunan siyahıdakı bahalı maşınlar, villalar, imarətlər, yaxta, “Favorit” marketlər şəbəkəsindəki payı məhz Axundovanın deputatlığı dövründə əldə olunub. Deputatın aylıq gəliri maksimum 1700 manat civarında olduğunu nəzərə alsaq, Axundovanın bu varidatı digər yollarla əldə etdiyi ehtimalı yaranır.

Deputatın bizneslə məşğul olması qanunla qadağandır.

Bəs Elmira Axundova nə işlə məşğul olub ki, 30 milyon manatlıq mal-mülk əldə edə bilib?

Elnur İbrahimovun dələduzluq işində Elmira Axundovanın adı hər prosesdə onun məsləhətvericisi kimi keçib. Elmira Axundovanın özünün də bu məqamı təsdiqləyən səs yazısı var. Həmin səs yazısında Elmira Axundova Elnur İbrahimovdan gördüyü işlərin gedişatı haqda məlumat aldığını deyir.

Elnur İbrahimov 125 deputatdan məhz Elmira Axundovanı məsləhətçi seçməsi təsadüfidir?

Birincinin ikinciyə günaşırı 5 min manat daşıması verdiyi məsləhətlərə görə olub?

Elmira Hüseyn qızı Axundovanın varidatın siyahısına da nəzər salaq:

“Toyota Prado” minik avtomobili, ili 2015, nömrə nişanı Az 90 HH 111, alış tarixi 28.07.2015.

“AUDI Q 7" minik avtomobili, ili 2012, nişanı, Az 10 LS 050 30.05.2013.

Bundan əlavə, Elmira Axundovanın adına:

Bakı şəhəri, Yasamal rayonu, Mustafa Sübhi küçəsi 146/ Kapitanski 146 ünvanında 2 mərtəbəli fərdi yaşayış evi

Bakı şəhəri, Nəsimi rayonu, Səməd Vurğun küçəsi ev 60 mənzil 57 - 4 otaqlı, 185 kv.m

Bakı şəhəri, Xəzər rayonu, Şüvəlan qəsəbəsi, 30/4181 saylı bağ evi.

Bakı şəhəri, Yasamal rayonu, Məhəmməd Naxçıvani küçəsi 9 saylı ünvanda yerləşən 38 saylı qaraj;

Bakı şəhəri, Nəsimi rayonu, Nəsibbəy Yusifbəyli küçəsində dəyəri bir neçə milyon olan 6 mərtəbəli ofis,

8 . Bakı şəhəri, Yasamal rayonu, Məhəmməd Naxçıvani küçəsi 15 saylı ünvanda yerləşən qeyri-yaşayış sahəsi,

“Port Baku Residence” yaşayış kompleksində ümumi sahəsi 375 kvadrat metr olan 1109 B saylı mənzil, 228 və 233 saylı dayanacaq yerləri,

Qəbələ şəhəri, S.Ə.Şirvani küçəsi 112 ünvanında mülkiyyətində olan 0.14 ha torpaq sahəsi və üzərində yerləşən fərdi yaşayış evi.

Bu geniş ictimaiyyətə bəlli olan mal-mülkdür.

Axundovanın deputatlığı dövründə oğlu Həbib Axundov da kosmik sürətlə varlanıb. Yeri gəlmişkən qeyd edək ki, Axundovların varlanması adlarının hallandığı çoxmilyonluq dələduzluq olayının baş verdiyi tarixlərdən sonraya təsadüf edir.

Həbib Axundovun adına olan əmlakların siyahısını təqdim edirik:

Bakı şəhəri, Nərimanov rayonu, Aşıq Alı küçəsi, 3 A ünvanında yerləşən 0.0225 hektar torpaq sahəsi və üzərində 4 mərtəbəli ofis,

“Port Baku Residence” yaşayış kompleksində 509 B saylı mənzil və əlavə olaraq dayanacaq yerləri.

Bunlar isə Həbib Axundovun maşın kolleksiyasıdır:

“Porsche Cayenne” minik avtomobili, ili 2012, nömrə nişanı Az 10 HH 111, alış tarixi 19.05.2014,

“Jeep Wrangler” minik avtomobili, ili 2013, nömrə nişanı Az 90 XX 111. Alış tarixi 02.07.2014.

5 ."Porsche Panamera" minik avtomobili, ili 2013, nömrə nişanı Az 90 RR 111, alış tarixi 15.02.2014,

6 ."Porsche Cayenne" minik avtomobili, ili 2012, nömrə nişanı Az 90 CF 900, alış tarixi 03.10.2013.

K-45 adlı ABB 1278 bort nömrəli “Yamaha 242 Limited S” tipli gəzinti kateri - yaxta 01 iyul 2016-cı il tarixdə keçirilmiş texniki baxışın nəticələrinə əsasən Həbib Axundovun adına dövlət qeydiyyatına alınıb.

Bundan başqa, Həbib Axundov bir neçə skuterə də sahibdir.

Bu, tam siyahı deyil.

Elmira Axundovanın oğlunun adı dələduzluq işi ilə yanaşı, model Günel Mirzəyevanın müəmmalı ölüm işində də qırmızı xətlə keçir. 

Günel Mirzəyeva Həbib Axundovun “Yamaha 242 Limited S” tipli yaxtasında açıq dənizə çıxıb və boğularaq ölüb. Bu müəmmalı ölüm Günel Mirzəyevanın həyat yoldaşı ilə boşanma ərəfəsində olduğu günlərdə baş verib. Model xanımı məhkəmədə təmsil edən də Elmira Axundovanın vəkili Rövşən Yusifov olub. Üstəlik, suda boğularkən Günel Mirzəyevanın hamilə olması haqda da bilgilər var. 

Həyat yoldaşı ilə boşanmaq üçün məhkəməyə üz tutan bir qadının hamiləliyi də maraqlı suallar ortaya çıxarır. Həbib Axundovun Günel Mirzəyeva ilə sıcaq münasibətlərinin olduğu bir vaxtda onun yaxtasında açıq dənizə çıxaraq batması bu günə qədər müəmmalı olaraq qalıb.

Artıq bu məlumatların araşdırılması zamanı çatıb...

Elmira Axundova və oğlu Həbib Axundovun Binəqədi məhkəməsindən istədiyi də bu idi ki, bu məlumat və faktların araşdırıla biləcəyi məhkəmə işlərinə, ümumiyyətlə, baxılmasın. Lakin iddia qanunsuz və əsassız olduğuna görə rədd olunub.

Azərbaycanda son sutkada 1095 nəfər COVID-19-a yoluxub - 12 nəfər vəfat edib
Prezident: “Bizim məhv etdiyimiz və qənimət kimi götürdüyümüz sursatın dəyəri 2,7 milyard dollardır”-ynilənib
Həqiqi hərbi xidmətə növbəti çağırış başa çatıb
Rusiya Ermənistana xəbərdarlıq edib
Ceyhun Bayramov ATƏT-in Minsk Qrupunun həmsədrləri ilə görüşdü
Xəbər lenti
31/10/2020 [18:21]:
İşğalçı Ermənistanın Şuşada meşələri yandırması bəşəri cinayətdir - ETSN
31/10/2020 [17:42]:
Hazırda Ağdərə, Xocavənd və Qubadlı istiqamətində döyüşlər davam edir - rəsmi
31/10/2020 [16:58]:
Azərbaycanda son sutkada 1095 nəfər COVID-19-a yoluxub - 12 nəfər vəfat edib
31/10/2020 [16:11]:
"Türkiyədən 504 həkimin arxa cəbhədə könüllü xidmətlə bağlı müraciəti qəbul olunub" - Baş Konsulluq
31/10/2020 [15:43]:
"Azərbaycan Ordusu ölkəmizin ərazi bütövlüyünü bərpa edir" - Prezidentin köməkçisi
31/10/2020 [15:04]:
ABŞ məhkəməsi “TikTok”a qoyulan qadağanı aradan qaldırdı
31/10/2020 [14:17]:
Rusiya Ermənistandan idxal olunan pomidora qadağa qoya bilər
31/10/2020 [13:34]:
Noyabrın 1-ə hava proqnozu
31/10/2020 [13:33]:
Prezident: “Bizim məhv etdiyimiz və qənimət kimi götürdüyümüz sursatın dəyəri 2,7 milyard dollardır”-ynilənib
31/10/2020 [13:26]:
Putindən Paşinyana rədd cavabı gəldi
31/10/2020 [12:46]:
Azərbaycan nefti ucuzlaşıb
31/10/2020 [12:11]:
Ermənilər Ağdam və Ağcabədidə yaşayış məntəqələrini və qəbiristanlığı atəşə tutub
31/10/2020 [11:59]:
Gürcüstanda parlament seçkiləri keçirilir
31/10/2020 [11:20]:
İzmirdə yenə 5 bal gücündə zəlzələ oldu
31/10/2020 [11:18]:
Həqiqi hərbi xidmətə növbəti çağırış başa çatıb
31/10/2020 [11:03]:
"Azərbaycan Ordusunun Xankəndini atəşə tutması xəbəri yalandır" - MN
31/10/2020 [10:13]:
"Qarabağda oynamaq bizim üçün böyük xoşbəxtlik olardı" - Emre Belözoğlu
31/10/2020 [09:22]:
Rusiya Ermənistana xəbərdarlıq edib
31/10/2020 [00:09]:
Ceyhun Bayramov ATƏT-in Minsk Qrupunun həmsədrləri ilə görüşdü
30/10/2020 [23:37]:
Zinəddin Zidandan Azərbaycana dəstək
30/10/2020 [23:33]:
Sahibkarlara 107 milyon manatdan çox kredit ayrılıb
30/10/2020 [23:21]:
İzmirdə zəlzələdə yaralananların sayı 522 nəfərə çatıb - 12 nəfər ölüb -yenilənib
30/10/2020 [22:59]:
Mədəniyyət Nazirliyində islahat strategiyasının həyata keçirilməsi proqramına start verilib
30/10/2020 [22:19]:
Gürcü tarixçilər: “Ermənistan dinc əhalini bombalayaraq beynəlxalq hüququ bir daha pozur”
30/10/2020 [21:32]:
Mövlud Çavuşoğlu Kəmaləddin Heyderova təşəkkür etdi
Bütün xəbərlər...
Həftənin ən çox oxunanları
Bərdə yenidən raket atəşinə tutuldu - 21 nəfər həlak olub, 70-dən çox yaralı var - yenilənib
“The Jerusalem Post”: Azərbaycanda yaşayan yəhudilər Qarabağda gedən haqq savaşında qələbə üçün dua edirlər...
İzmirdə zəlzələdə yaralananların sayı 522 nəfərə çatıb - 12 nəfər ölüb -yenilənib
“Türkiyə ilə əməkdaşlığı davam etdirəcəyik” -Lavrov
Ərdoğan Putinlə Dağlıq Qarabağdakı son vəziyyətdən danışıb
Azərbaycanlı gənc Avropa İttifaqının saytında Paşinyanı ifşa etdi
Prezident: "Zəngilan, Cəbrayıl, Qubadlı rayonlarının bir neçə kəndi və Qubadlı şəhəri işğaldan azad olunub"
İlham Əliyev generallarla operativ müşavirə keçirdi - tam mətn
"Bərdəyə hücumu lənətləyirik" - Türkiyə XİN
Türkiyədə Polad Həşimovun adı verilən parkın açılışı oldu
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin