"Həzi Aslanov" metrostansiyası bağlanır?

08/12/2019 [13:54] - Gündəm (92)



Bir sıra kütləvi informasiya vasitələrində yayılmış məlumatlarda yanlış olaraq, Bakı metropoliteninin "Həzi Aslanov" stansiyasının əsaslı təmir məqsədilə sərnişinlərin giriş-çıxışına bağlanacağı bildirilir.

Məlumata görə, "Bakı Metropoliteni" QSC bildirir ki, yayılmış məlumat həqiqəti əks etdirmir və Səhmdar Cəmiyyətin sədr müavini Hidayət Məmmədov heç bir kütləvi informasiya vasitəsinə bununla bağlı açıqlama verməyib, eyni zamanda, məsələ ilə bağlı müəssisənin mətbuat xidməti və ictimaiyyətlə əlaqələr şöbəsinə müraciət olunmayıb:

"Qeyd olunmalıdır ki, bu günlərdə QSC sədrinin müavini televiziya proqramlarından birinin efir qonağı kimi hidrogeoloji təsirlərin qarşısının alınması məqsədilə "Həzi Aslanov" metrostansiyasında qabaqlayıcı tədbirlərin görülməsi üçün əsaslı təmir işlərinin aparılmasının nəzərdə tutulduğunu və bu məqsədlə dövlətin müvafiq səlahiyyətli orqanına müraciət olunduğunu qeyd edib. Lakin onun çıxışında stansiyanın bağlanması ilə bağlı ifadə yer almayıb. Buna rəğmən məlumat dərc edən kütləvi informasiya vasitələri heç bir əsas olmadan və naməlum səbəblərdən təmir işləri ilə stansiyanın bağlanması arasında qəribə məntiqi bağlılıq quraraq və dəqiqləşdirmə aparmadan tamamilə yanlış məlumat yayıblar. Bununla da ictimaiyyət arasında çaşqınlığın yaranmasına səbəb olublar".

"Bakı Metropoliteni" QSC bildirir ki, "Həzi Aslanov" stansiyasında planlaşdırılan təmir məhz qabaqlayıcı tədbir kimi nəzərdə tutulub: "Stansiya infrastrukturunu və onun konstruksiyasını hazırda hər hansısa təhlükə gözləmir. Əsaslı təmir məhz gələcəkdə yarana biləcək təhlükənin qarşısını əvvəlcədən almağa hesablanıb. Ən əsası, təmir dövründə stansiyanın sərnişinlərin giriş-çıxışına bağlanması nəzərdə tutulmayıb.

Ümumiyyətlə, "əsaslı təmir" anlayışı stansiyanın mütləq şəkildə bağlanması zərurətini yaratmır və bunu nəzərdə tutmur. Təmirlə əlaqədar sərnişinlərə hər hansısa təhlükənin yaranması ehtimalı olduqda, habelə təmirlə əlaqədar onların hərəkətinin tam məhdudlaşdırılmasına zərurət yarandığı hallarda stansiyanın bağlanması qaçılmaz olur. Əsaslı təmir və yenidənqurma zamanı stansiyanın bağlanmadan aparılmasına "Nizami" stansiyasında görülmüş işlər əyani nümunədir. Həmçinin "Xətai" stansiyasında da platforma və yolların təmiri stansiya bağlanmadan həyata keçirilmişdi. Bu stansiyanın bağlanması zərurətini istismar müddətini başa vurmuş eskalatorların dəyişdirilməsi zamanı onun bir giriş-çıxışlı olması yaratmışdı. Məlumdur ki, son illərdə "Elmlər Akademiyası", "İnşaatçılar", "20 Yanvar" stansiyalarında eskalatorlar yenisi ilə əvəz edilərkən, sərnişinlər digər giriş-çıxışlardan, "28 May" stansiyasında isə "Cəfər Cabbarlı" stansiyasının keçidlərindən istifadə edirdilər.

Onu da xüsusi qeyd edək ki, Bakı metropoliteninin bütün infrastrukturu, o cümlədən mövcud stansiya və tunellərinin vəziyyəti, dayanıqlığı, etibarlığı daimi nəzarət altındadır. Metropolitendə bununla bağlı gündəlik təftiş və yoxlamalar aparılır. Tunel geyiminin və onun arxa hissəsinin müayinələri və monitorinqləri də bu prosesin tərkib hissəsidir. Bunun üçün müxtəlif müasir avadanlıqlardan, 2015-ci ildən isə həm də dünyada nadir diaqnostika qurğularından biri hesab olunan metropoliten infrastrukturunu çoxfunksiyalı diaqnostik yoxlama kompleksindən istifadə olunur.

Bir daha xatırladırıq ki, "Bakı Metropoliteni" QSC fəaliyyətində sərnişinlərin maraqlarını daim əsas götürür və təmir-bərpa, yenidənqurma işlərinə başlanmazdan əvvəl bütün məlumatları tam təfsilatı ilə ictimailəşdirir, yaranan hər bir sualı cavablandırır. Bundan savayı, təmir işlərinin gedişi ilə bağlı ictimaiyyətə müntəzəm məlumatlar yayır.

Qeyd edilənləri nəzərə alaraq, "Bakı Metropoliteni" QSC bir daha kütləvi informasiya vasitələrinin nəzərinə çatdırır ki, Bakı metropoliteni şəhərin əsas ictimai nəqliyyat vasitələrindən biridir, şəffaflıq və obyektivlik, ictimaiyyətə maksimum açıqlıq müəssisənin fəaliyyətinin prioritet istiqamətlərindədir. Dəqiqləşdirilməmiş məlumatlar ictimaiyyətdə, ələlxüsus metro sərnişinləri arasında yanlış təsəvvürlər, çaşqınlıq və təşviş yaradır, birmənalı qarşılanmır, müəssisənin nüfuzuna və onun kollektivinin əməyinə xələl gətirir".
Kamaləddin Qafarovun seçicilərlə görüşləri davam edir - fotolar
28 dairənin “dövlət kimi” deputatı
Qadın hüquqlarının müdafiəsinə daha bir QHT sədri qoşuldu
27 saylı dairədə "köhnələr"lə yeni islahatçıların mübarizəsi
Tələsmədən işləməliyik - Qüdrət Həsənquliyev
Xəbər lenti
23/01/2020 [23:57]:
Dünyanın daha bir ölkəsində koronavirus aşkarlanıb
23/01/2020 [22:38]:
Fransız iş adamı dünyanın ən varlı insanı olub
23/01/2020 [21:29]:
Bakının iki massivi qazla təmin olunub
23/01/2020 [20:55]:
"Qarabağ" Qazaxıstan komandasını məğlub edib
23/01/2020 [20:26]:
İqbal Ağazadə Şıxlinski küçəsindəki seçicilərlə görüşdü
23/01/2020 [19:53]:
XİN: Ermənistan XİN etnik təmizləmə siyasətini etiraf etməlidir
23/01/2020 [19:51]:
Bakcell və İNNOLAND gənc developerləri investorlarla tanış edib
23/01/2020 [19:50]:
İran kosmosa iki peyk göndərəcək
23/01/2020 [18:50]:
MSK sədri siyasi partiyalara müraciət edib
23/01/2020 [18:34]:
Çində koronavirusdan ölənlərin sayı 17-ə çatıb
23/01/2020 [17:41]:
Norveçin şimalı iflic oldu
23/01/2020 [17:00]:
QMİ sədri Qətər səfirini qəbul edib
23/01/2020 [16:46]:
İdlibdə silahlılar Suriya ordusuna hücum ediblər
23/01/2020 [15:37]:
Çingiz Qənizadə Beyləqanda seçicilərlə görüşlərini davam etdirir
23/01/2020 [15:20]:
Azərbaycan əhalisinin gəlirləri açıqlanıb
23/01/2020 [14:53]:
Azərbaycanda bu şəxslər 955 min manat məbləğində cərimə edilib
23/01/2020 [14:25]:
Prezident “Procter and Gamble Europe” şirkətinin prezidenti ilə görüşüb
23/01/2020 [14:23]:
Azərbaycan millisi Özbəkistan yığmasına qalib gəlib
23/01/2020 [14:16]:
Prezident İlham Əliyev Veronika Skotti ilə görüşüb
23/01/2020 [13:20]:
Ağstafada silah-sursat aşkarlanıb
23/01/2020 [12:49]:
Marsa səyahət kreditlə ola bilər
23/01/2020 [12:20]:
Naxçıvan Muxtar Respublikasının iqtisadiyyatı ötən il 1,5% artıb
23/01/2020 [11:51]:
Azərbaycan millisi "Alanyaspor"u məğlub edib
23/01/2020 [11:24]:
Həsən Ruhani: "İran nüvə silahı istehsal etməyəcək"
23/01/2020 [10:47]:
Ötən il Bakının prokurorluq orqanlarına daxil olan müraciətlərin sayı açıqlanıb
Bütün xəbərlər...
Həftənin ən çox oxunanları
Dövlət büdcəsinin gəlirlərinin proqnozlaşdırılması qaydası təsdiqlənib
Azərbaycanla Rusiya arasında innovasiyalarla bağlı yol xəritəsi hazırlanır
Növbəti qlobal böhran gözlənilir
Bakının savaş öncəsi “baş məşq”i - müharibə haqqımız tanındı, bəs sonra?
Xarici ticarət dövriyyəsi 30 milyard dolları ötüb
Musiqili Teatrda “İstintaq” olacaq
20 Yanvar faciəsindən 30 il ötür
“Windows”da aşkarlanan boşluq aradan qaldırılıb
Milli Qəhrəman Mübariz İbrahimovun şücaətindən bəhs edən operanın premyerası keçirilib
Azərbaycanda elektron qolbaq daşıyan məhkumların sayı açıqlanıb
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin