Ən hərbiləşmiş, ən yoxsul ölkə: Ermənistan bahalı işğalın altında qalıb

08/12/2019 [14:23] - Siyasət (276)



Düşmən ölkədə gələn ilin hərbi büdcəsi təsdiqləndi; şişirdilən faizlər arxasındakı real və miskin məbləğlər, erməni “səhra komandiri”: “Müharibə başlasa, biz heç nə edə bilməyəcəyik, mən Azərbaycanın nəyə qadir olduğunu bilirəm...”

Azərbaycan və Ermənistan XİN rəhbərləri arasında 2019-cu il üçün son görüş Bratislavada oldu. Nazirlərin ATƏT-in Minsk Qrupu həmsədrlərinin iştirakı ilə 3 saat (!) çəkən bu görüşü də gözlənildiyi kimi, nəticəsiz başa çatdı. Səbəb bəlli: Qarabağa ixtilafının həllinə münaqişə tərəflərinin diametral fərqli yanaşmaları, daha dəqiqi, işğalçı Ermənistanın maksimalist mövqeyi.

Ardınca Minsk Qrupu həmsədrlərindən ənənəvi növbətçi bəyanat gəldi. Bəyanatda bildirilir ki, “təmas xəttində hazırkı status-kvo qəbuledilməzdir və konfliktin hərbi həlli yoxdur”.

*****

Ancaq vəziyyətin absurdluğu da ondadır ki, Ermənistan problemin həllini məhz hərbi üsulda görür. Çünki hesab edir ki, artıq o, müharibəni udub və sülh formulu da onun şərtləri əsasında olmalıdır. Yəni guya Ermənistan Qarabağ müharibəsində “tam və qəti” qələbə qazandığı üçün problemin həlli də onun istədiyi kimi olmalı, yəni Azərbaycan kapitulyasiya sənədinə imza atmalıdır.

İrəvanın xəstə məntiqinə görə, sabah əgər Azərbaycan hərəkətə keçib nəinki Dağlıq Qarabağı, üstəlik, qədim türk yurdu İrəvanı da azad eləsə, Bakı bunu haqq edəcək və beynəlxalq hüquq, sərhədlərin toxunulmazlığı prinsipi önəm daşımayacaq. Hərçənd, təkrar edirik, hazırkı Ermənistan da tarixi türk torpaqlarında təşəkkül tapıb.

Amma biz beynəlxalq hüquqdan, Ermənistanın da səs verdiyi BMT normaları və nizamnaməsindən danışırıq. Hansı nizamnamənin ki, 78-ci bəndində açıq aydın yazılıb: hər bir dövlət işğala qarşı istənilən yolla mübarizə aparıb öz ərazi bütövlüyünü bərpa edə bilər.      
Hərbiyyədən söz düşmüşkən, dünən Ermənistan parlamenti ölkənin gələn il üçün büdcəsini təsdiq edib. “Yeni Müsavat”ın erməni qaynağına istinadən verdiyi məlumata görə, 2020-ci ildə işğalçı ölkə müdafiə xərclərini 25.3%  artırmağı nəzərdə tutur. Faiz sizi diksindirməsin, bu, 625 milyon ABŞ dolları edir. 2019-cu il üçün hərbi xərclər 609 milyon dollar təşkil edib. Bildirilir ki, bu zaman müdafiə xərcləri ÜDM-nin 4%-dən artığını təşkil etməyəcək.

Diqqət edildisə, hərbi xərclərin artımı cəmi 16 milyon dollardır. O da artıq faktdır ki, acından ölən Ermənistan məhz bu göstərici üzrə (25.3%) artıq dünyanın ən hərbiləşdirilmiş ölkəsi sayılır. Hərçənd göründüyü kimi, 25,3%-in arxasındakı vəsait çox kiçikdir və Azərbaycanın hərbi xərcləri ilə müqayisəyə belə gəlməz. Təsadüfi deyil ki, nüfuzlu beynəlxalq hərbi təhlil mərkəzlərinin başqa hesabatına əsasən, Cənubi Qafqazda ən güclü ordu Azərbaycandadır (dünya üzrə 51-ci yer), Ermənistanda (93) yox.          

Xatırladaq ki, Azərbaycan gələn il üçün hərbi və müdafiə xərcləri üçün 3 milyard 853 milyon 600 min manat və ya təxminən 2.26 milyard ABŞ dolları nəzərdə tutub. Bu 2019-cu illə müqayisədə 20,9 faiz, yaxud 666 milyon manat çoxdur (Cari ildə 3 milyard 187 milyon 600 min manat olub). Yəni bizim hərbi büdcəmiz az qala, Ermənistanın ümumi büdcəsi qədərdir.
Başqa sözlə, faizlər yox, faizlərin arxasındakı real məbləğlər önəmlidir. Aradakı fərq şəkk-şübhəsiz, Azərbaycanın işğalçı ölkə üzərində əzici hərbi üstünlüyünü göstərir ki, bu da günün birində Dağlıq Qarabağ konfliktinin hərbi yolla həllində mütləq öz sözünü deyəcək. Həm də o səbəbə ki, İrəvan problemin həllini illərdir beynəlxalq hüquq normaları əsasında, Qarabağa dair məlum sənədlər əsasında deyil, “müharibənin qalibi” olaraq, yəni məhz hərbi yolda görür. Müharibə isə bitməyib. Bunu az öncə hətta Ermənistan baş naziri Nikol Paşinyan da dilə gətirmişdi.                

Şübhəsiz ki, sərt reallığı erməni tərəfinin ağlını itirməyən azsaylı siyasi və hərbi təhlilçiləri də yaxşı dərk edirlər. Məsələn, ehtiyatda olan erməni polkovniki, Dağlıq Qarabağın işğalında iştirak etmiş erməni hərbi birləşmələrinin keçmiş komandirlərindən biri Arkadi Karapetyan yerli mətbuatına açıqlamasında müharibənin bərpa olunmasından qorxduğunu etiraf edib (Axara.az). O, hərbi əməliyyatların bərpa olunma ehtimalının nə Ermənistandan, nə də onun siyasətindən asılı olduğunu qeyd edib.

“Müharibə başlasa, biz heç nə edə bilməyəcəyik. Hətta türklərə (azərbaycanlılar nəzərdə tutulur - red) ”Biz sizə təslim oluruq" desək belə, onlar bizi öldürəcəklər", - deyə erməni polkovnik vurğulayıb.

Karapetyan yəqin yaxşı anlayır ki, hərbi güc indi kimin tərəfindədir və Qarabağda döyüşlərin bərpa olunacağı təqdirdə sovet dövründən fərqli olaraq, İrəvana heç kim kömək etməyəcək. O, Azərbaycan torpaqlarının üçüncü qüvvələrin dəstəyi sayəsində işğal edildiyini də anlayır. Özü bütün bunların şahidi olub. “Mən müharibənin nə olduğunu bilirəm, mən sülh istəyirəm və qarşı tərəfin nəyə qadir olduğunu bilirəm”, - deyə Karapetyan qeyd edir.
Daha sonra erməni zabit vaxtilə azərbaycanlıların ermənilərə qucaq açdıqlarını, onları öz doğma torpaqlarında məskunlaşdırıb, yedizdirib-içizdirdikləri zaman belə, ermənilərin istənilən zaman arxadan zərbə endirməyə hazır olduqlarını etiraf edib. O, bunu belə ifadə edib: “SSRİ dövründə biz türklərlə dostlaşdıq, ancaq əlimizdən dəyənəyi yerə qoymadıq”.

Əlavə edək ki, A.Karapetyan “Daşnaksütyun” partiyasının sıralarında olub, 1990-1992-ci illərdə Qarabağa hücum edən erməni ordusunun komandiri olub və hazırda Ermənistan Veteranlar Birliyinin sədridir...

*****

Beləcə, dünyanın ən hərbiləşmiş, lakin ən yoxsul ölkəsi olan Ermənistan üçün Azərbaycan torpaqlarının işğalı ildən-ilə daha bahalı və mənasız bir məşğuliyyətə, ağır yükə çevrilir. İldən-ildə artan müharibə xofu da öz yerində.

Kiminsə ərazisini zəbt eləmək elə də çətin deyil. Əsas məsələ həmin ərazini nəzarətdə, işğalda saxlamaqdır. Karapetyanlar Azərbaycanın gücündən qorxmaqda tam haqlıdırlar... 


“Yeni Müsavat”
Azərbaycanın Ukraynadakı səfiri söz azadlığına qarşı
Qod Nisanov Moskvada ermənilərlə üz-üzə - Bakıda isə onun yaxınlarına qarşı qanunsuzluq edirlər
Vəziyyət pisdir və daha da pis olacaq - nə etməli?
Ata-anasını itirmiş qız 500 manat borca görə imtahana buraxılmır - təfsilat
Bakıda koronavirusa yoluxma ən çox hansı rayonda qeydə alınıb? - statistika
Xəbər lenti
06/08/2020 [14:46]:
Haaqadakı Xocalı abidəsinin yeri dəyişdirilib
06/08/2020 [13:41]:
Dünya bazarlarında təbii qaz ucuzlaşıb
06/08/2020 [12:39]:
"Bavariya” Jerom Boatenqi transferə çıxarıb
06/08/2020 [12:17]:
Gürcüstandan Rusiyaya çağırış
06/08/2020 [12:15]:
Böyük Britaniya və Fransanda COVID-19-un ikinci dalğası barədə xəbərdarlıq edilib
06/08/2020 [11:35]:
Fransız alimlər ölkədə epidemioloji vəziyyəti kövrək hesab edirlər
06/08/2020 [11:10]:
Sosial şəbəkələrdə yalan məlumat yayan şəxslərə xəbərdarlıq edilib
06/08/2020 [10:55]:
ÜST-dən koronavirusla bağlı son rəqəmlər
06/08/2020 [10:30]:
Bu vərdiş xərçəng riskini 30 dəfə artırır
06/08/2020 [10:00]:
Zelenskidən yeni təyinat
06/08/2020 [10:00]:
Türk klubu "Səbail"dən ayrılan dünya ulduzu ilə maraqlanır
06/08/2020 [09:34]:
ABŞ-da seçkilərə müdaxilə haqda məlumat verənlər 10 milyon mükafat alacaq
05/08/2020 [23:58]:
Hərbi təlimdə 18 hərbçi xəsarət alıb
05/08/2020 [23:00]:
KİVDF-nin icraçı direktoruna AĞIR İTKİ
05/08/2020 [21:18]:
Tramp ABŞ iqtisadiyyatını süquta götürür - “Die Zeit”
05/08/2020 [20:51]:
Millimizin futbolçusu ABŞ-da həftənin komandasına düşüb
05/08/2020 [20:29]:
Azərbaycan Livana 1 milyon dollar yardım ayırdı – Baş Nazir sərəncam imzaladı
05/08/2020 [18:50]:
Günəş şüaları koronavirusla mübarizəyə kömək edir
05/08/2020 [17:38]:
İranda yoxsulluq pik həddə qalxdı
05/08/2020 [16:24]:
Gürcüstan Azərbaycana 543 ton şaftalı ixrac edib
05/08/2020 [16:00]:
Azərbaycan Livana maliyyə yardımı göstərəcək
05/08/2020 [15:36]:
Prezident: Avropa İttifaqına üzv ölkələrlə sərhədlərin yenidən bağlanması istisna olunmur
05/08/2020 [14:47]:
Bəxtiyar Vahabzadə yaradıcılığı Türkiyənin ədəbiyyat portalında
05/08/2020 [13:11]:
İker Kasilyas karyerasını başa vurdu
05/08/2020 [12:53]:
50 milyondan çox insan aclıq təhlükəsi ilə üzləşəcək
Bütün xəbərlər...
Həftənin ən çox oxunanları
İyunda Azərbaycanın yeyinti məhsulları ixracı artıb
Azərbaycanın Ukraynadakı səfiri söz azadlığına qarşı
“Fitch”: Bu ilin sonuna Azərbaycanın strateji valyuta ehtiyatları 38,3 mlrd. dollar təşkil edəcək
Azərbaycanda Qurban bayramı qeyd edilir
Vikipediyada Xan Şuşinski haqqında özbək dilində bölmə istifadəyə verilib
Ani ödəniş sistemi gələn ay istifadəyə veriləcək
Ölkə mehmanxanalarında keçirilmiş gecələmələrin sayı azalıb
Azərbaycanda kənd təsərrüfatının kreditləşməsi 10% artıb
Tbilisidə Nəriman Nərimanovun yubileyi qeyd olunub
“Yol əhvalatı”nın “Mustafa”sı: “90-cı illərdən filmlərə çəkilmirəm, parkda nəzarətçi işləyirəm”
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin