“Papanin”də metro stansiyasının inşası illərdir bitmir - Səbəb

07/09/2019 [20:43] - Cəmiyyət (500)



Nəsimi rayonu, Ceyhun Səlimov küçəsində, “Papanin” kimi tanınan ərazidə illərdir tikilməkdə olan metrostansiyanın inşası hələ də başa çatmayıb. Stansiyanın tikintisi səbəbindən ərazidə avtomobillərin hərəkətinə maneə yaranıb. Bu yol şəhərin əsas yollarından biridir, bu baxımdan həmin küçənin uzun zamandır bağlı saxlanılması problem yaradır. Bundan əlavə əraziyə yaxın yerdə hərbi hospital yerləşir. Ekspertlər bildirirlər ki, hər hansı bir əsgəri yaralandığı, zədələndiyi, xəstələndiyi zaman bu hospitala gətirən maşın xeyli yol fırlanmalıdır. Bu isə təcili yardım üçün böyük maneə deməkdir.

Bəs metro stansiyasının tikintisi nə zaman yekunlaşır?

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov dedi ki, metro tikintisinin təmirdən və digər işlərdən fərqi var: “Tikintidə mərhələlər fərqli qaydada olur. Mart ayında açıqlama vermişdik ki, B-3(şərti ad) stansiyasına qədər olan tunellərə müasir qaydada yolun çəkilməsi başa çatmaq üzrədir. ”Memar Əcəmi" böyük stansiyası arasında yol infrastrukturunun qurulması işləri başa çatıb. Hazırda digər infrastrukturunun qurulması istiqamətində də mərhələli şəkildə iş gedir. Qeyd edim ki, Ceyhun Səlimov küçəsi, Hərbi hospitalın qarşısında, “Papanin” adlanan ərazidə tikintisi davam edən stansiyanın açılışı 2020-ci ilin sonları üçün nəzərdə tutulub. Əsas işlər başa çatdırılıb. Digər işlər də plan üzrə aparılır. Sadəcə olaraq Bakının torpağı elədir ki, konkret açılış tarixi söyləmək olmur. Ona görə də biz 2020-ci ilin sonunu nəzərdə tutmuşuq".

Rəsmi məlumata görə, stansiyada 3 lift və 17 müasir tipli eskalator quraşdırılacaq.

Bakı Metropoliteninin hazırda 25 stansiyası, 1 elektrik deposu var. “Bakı Metropoliteni Xətlərinin Konseptual İnkişaf Sxemi”nə əsasən gələcəkdə stansiya sayının 76-ya, elektrik deposunun isə 6-ya çatdırılması nəzərdə tutulub. Perspektiv plana əsasən, ümumi uzunluğu 28,5 km olacaq mövcud Qırmızı xətt Badamdar qəsəbəsindən başlayaraq Zığ qəsəbəsinədək uzanacaq. 19 stansiyadan ibarət olacaq xəttin hazırda 13 stansiyası və 1 elektrik deposu istismardadır. Layihədə “İçərişəhər” stansiyasından sonra 4, “Həzi Aslanov” stansiyasından sonra 2 stansiyanın inşası nəzərdə tutulub. Ümumi uzunluğu 41,8 km olacaq Yaşıl xətt Xətai, Nəsimi, Yasamal, Binəqədi, Nərimanov, Nizami, Sabunçu və Suraxanı rayonlarını əhatə edəcək. Perspektiv inkişaf planına uyğun olaraq, gələcəkdə bu xətt üzrə Bakı metrosunda ilk dəfə qatarların dairəvi hərəkəti təşkil olunacaq. 23 stansiyası olacaq bu xəttin hazırda 10 stansiyası istismardadır. Xəttin bir elektrik deposu hazırda inşa olunur, daha biri isə layihələndirmə mərhələsindədir.

Perspektiv inkişaf planına uyğun olaraq, “28 May” stansiyasının layihəsini dəqiqləşdirərək yenidən qurulmasının başa çatdırılması ilə mövcud Qırmızı və Yaşıl xətlərdə qatarların sərbəst hərəkətinin təşkili nəzərdə tutulub. Uzunluğu 18,5 km olacaq yeni Bənövşəyi xətt Xocahəsən qəsəbəsindən başlayaraq Qaraçuxur qəsəbəsinədək uzanacaq. Metropolitenin perspektiv inkişaf planının birinci prioritet istiqamətinə daxil olan Bənövşəyi xəttin “Avtovağzal” və “Memar Əcəmi” stansiyaları 2016-cı il aprel ayının 19-da sərnişinlərin istifadəsinə verilib. Perspektiv inkişaf planına uyğun olaraq bu xətt üzrə 6-sı keçid olmaqla, 10 yeni stansiya inşa olunmalıdır. Hazırda Xocahəsən qəsəbəsində Bənövşəyi xəttin deposunun tikintisi davam edir.

Uzunluğu 16,3 km olacaq Mavi xətt Yeni Yasamal yaşayış sahəsindən başlayaraq Sabunçu rayonunun Bakıxanov qəsəbəsinə qədər uzanacaq. Xətt üzrə 7-si keçid olmaqla, 11 stansiya və 1 elektrik deposu tikiləcək. Uzunluğu 14,7 km olacaq Sarı xətt Binəqədi rayonundan başlayaraq Səbayel rayonunun Bayıl qəsəbəsinədək uzanan xətt olacaq. Bu xətdə 5-i keçid olmaqla, 11 stansiya və 1 elektrik deposu inşa olunacaq.

Bakının torpağı metro çəkilişləri üçün niyə çətindir?

Ekspert Əzim Məsimov bildirdi ki, Bakının üstü nə qədər qəlizdirsə, altı da bir o qədər mürəkkəbdir: “Bura yarımadadır və ona görə də yeraltı su axınları mövcuddur. Elə yer var ki, həmin ərazidə yeraltı su axınları sürətlidir. Elə yer də var ki, əksinədir. Metro tikintisində də belə problemlər ortaya çıxır. Ona görə də texnologiyalar tətbiq edilir, su axınları dondurulur. Yalnız bundan sonra işlər görülür. Vaxtilə ”Nizami “stansiyasının da açılışı ərəfəsində ”Qanlı göl"dən su axını gələrək, tunelə dolmuşdu. Bu səbəbdən açılış 2 ilə qədər yubadıldı. Burada da elə proseslər ola bilər. Ancaq texnologiyalar da var ki, onlarla bütün bunların qarşısını almaq mümkündür. Texnologiya imkan verir ki, mühəndis tədbirləri nəticəsində bu işləri qaydasında aparasan. Metro tikintisi hələ ki, ləng gedir. Bunun da səbəbi yəqin ki, geoloji vəziyyətin çətinliyi ilə bağlıdır. Düşünmürəm ki, orada qeyri-peşəkar işlər aparılır. 

Məncə peşəkar olmayan insanlar panel, metro işlərində işləyə bilməzlər. Ona görə də düşünürəm ki, onların peşəkarlığı yüksək səviyyədədir. Ola bilər ki, texniki məsələlərin həlli çox vaxt tələb edir. Buna görə də stansiyaların tikilməsi vaxtı uzadılır. Hökumətin metro tikintisi ilə bağlı proqramı vardı və işlər də sürətlənmişdi. Ancaq sonrada bu işlər zəiflədi. Fransızlar və eləcə də başqa xarici ölkə şirkətləri Bakıda metro tikintisinə maraq göstərirdilər. İndi bu cür işləri aparan çox sürətli aqreqatlar var. Məsələn, Moskvada bu işləri çox sürətlə aparırlar. Orada görünür ki, torpaq, qum şəraiti daha əlverişlidir. Bakıda doğrudan da geoloji vəziyyət çox mürəkkəbdir. Buna uyğun olaraq da texnologiya tətbiq edilir". (“Yeni Müsavat”)
Səfirin söz azadlığına qarşı səlib yürüşündə final səhnə - qocaman jurnalistə qarşı qərar verildi
Məişət zoraklığına qarşı QAYNAR XƏTT yaradılıdı - layihə
Azərbaycanın Ukraynadakı səfiri söz azadlığına qarşı
Qod Nisanov Moskvada ermənilərlə üz-üzə - Bakıda isə onun yaxınlarına qarşı qanunsuzluq edirlər
Vəziyyət pisdir və daha da pis olacaq - nə etməli?
Xəbər lenti
11/08/2020 [23:59]:
Beynəlxalq təşkilatlar dağılmış tarixi irsin bərpası üçün Livana yardım edəcəklər
11/08/2020 [21:37]:
"Messi dünyanın ən yaxşı oyunçusu ilə qarşılaşacaq"
11/08/2020 [21:05]:
Ceyhun Bayramov türkiyəli həmkarı ilə görüşüb
11/08/2020 [20:20]:
Gümüşün qiyməti 50 manata yaxınlaşır
11/08/2020 [18:18]:
Karantin qaydalarını pozan iaşə obyektlərinin lisenziyası ləğv olunacaq
11/08/2020 [17:49]:
Öz dəfnindən iki gün sonra evinə qayıdıb
11/08/2020 [16:48]:
Daha 84 nəfər koronavirusa yoluxub
11/08/2020 [15:28]:
Türkiyə Prezidenti Ceyhun Bayramov və Zakir Həsənovu qəbul edib
11/08/2020 [14:44]:
İlk vaksin qeydiyyatdan keçdi - Putinin qızına da vurulub
11/08/2020 [13:41]:
Koronavirus böhranı nəticəsində 2,5 milyon məktəbli təhsili atmağa məcbur olub
11/08/2020 [13:19]:
Səfirin söz azadlığına qarşı səlib yürüşündə final səhnə - qocaman jurnalistə qarşı qərar verildi
11/08/2020 [12:40]:
Alman deputat: "Azərbaycandakı iqtisadi stabillik təqdirəlayiqdir"
11/08/2020 [12:35]:
Məişət zoraklığına qarşı QAYNAR XƏTT yaradılıdı - layihə
11/08/2020 [12:15]:
Aİ: Belarusdakı vəziyyəti yaxından izləməyə davam edəcəyik
11/08/2020 [11:43]:
Prezidentin tənqidindən sonra AZAL-da təmizləmə əməliyyatı başladı
11/08/2020 [11:38]:
"Real"ın yeni transfer hədəfi - Dibala
11/08/2020 [11:13]:
İsraildə Çin vətəndaşı üçün qızıl və brilyantdan tibbi maska hazırlanır
11/08/2020 [10:36]:
ABŞ və Rusiya arasında strateji sabitlik danışıqlarının növbəti mərhələsinin vaxtı müəyyənləşib
11/08/2020 [10:00]:
"Şkupi"nin futbolçusu: "Neftçi"nin avrokuboklarda böyük təcrübəsi var"
10/08/2020 [23:58]:
“Sileks”in baş məşqçisi: “Qarabağ” qarşılaşmanın aşkar favoritidir"
10/08/2020 [21:39]:
“Eurovision” mahnı müsabiqəsinin Amerika versiyası yaradılacaq
10/08/2020 [20:38]:
Beynəlxalq Turizm Təşkilatı: Qlobal turizm sektoru 320 milyard dollar zərərə uğrayıb
10/08/2020 [18:34]:
Püşkatma: "Qarabağ"ın potensial rəqiblərinin sayı 4-ə endi
10/08/2020 [17:32]:
Tramp demokratları "radikal solçuluq"da günahlandırıb
10/08/2020 [16:39]:
Antikorrupsiya tədqiqatlarına dair Bələdçi hazırlanacaq
Bütün xəbərlər...
Həftənin ən çox oxunanları
Yenilənən büdcə hazırki iqtisadi situasiyaya adekvatdır -Təhlil
Haaqadakı Xocalı abidəsinin yeri dəyişdirilib
Avqustun 10-dan bu qadağalar ləğv olunur - Rəsmi
Bakı-Pirşağı-Sumqayıt xəttinə əlavə qatarlar buraxılır
Azərbaycan İnvestisiya Holdinqi yaradılıb FƏRMAN
UFC təxribata əl atan ermənini cəzalandırdı
"Çelsi"nin futbolçusu "Arsenal"la anlaşdı
“Azərişıq” Almaniya şirkəti ilə əməkdaşlıq memorandumu imzalayıb
Ən heyrətamiz kitab dizaynları
"Roma"nın məğlubiyyəti "Latsio"ya Çempionlar Liqasına vəsiqə qazandırdı
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin