Cahangir Hacıyevin “bəraət” həyasızlığı və təbii sonu - şərh

03/09/2019 [15:31] - Gündəm (355)



Beynəlxalq Bankdan 4.7 milyard manatlıq məninmsəmə ilə bağlı 9 ay davam edən məhkəmə prosesi yekunlaşır. Dünən, sentyabrın 2-də Bakı Ağır Cinayətlər Məhkəməsində Beynəlxalq Bankın sabiq rəhbəri Cahangir Hacıyev son sözünü deyib.

2015-ci il dekabrın 4-dən həbsdə olan və bundan əvvəlki cinayət işi üzrə 15 il azadlıqdan məhrum edilən C.Hacıyevə bu dəfə prokuror əvvəlki hökm də nəzərə alınmaqla, ümumilikdə 17 il cəza istəyib. Amma C.Hacıyev son sözündə təqsirsiz olduğunu, bankın pullarını mənimsəməsi barədə ittihamın həqiqətə uyğun olmadığını söyləyib:

“40-a yaxın məhkəmə iclası keçirildi, 100-dən çox şahid dindirildi. Hansı biri mənə və ya yaxınlarına nağd, yaxud da köçürmə yoluyla pul verilməsi barədə bir kəlmə dedi, bir sübut ortaya qoydu? 365 cildlik cinayət işidir, hansı birində mənə qarşı fakt var? Heç bir sübut yoxdur, amma mülki iddiada 4 milyard 700 milyonun mənim və yaxınlarımın əmlakına yönəldilməsi təklif olunub. 4,7 milyard bilirsiz neçə ton puldur? Hamısı boş fərziyyədir. Bankdan o qədər kredit verilməyib, bu rəqəmi hardan tapıb çıxarıblar, çox maraqlıdır".

Təbii ki, 14 il ölkənin ən iri bankına rəhbərlik edən Hacıyevin 4,7 milyard ın neçə ton olması barədə təsəvvürü yetərincə genişdir.  Şübhəsiz ki, 4,7 milyard birdən oğurlanmayıb. Ovşor hesablara köçürülüb, ordan separatçı Abxaziya rejininə “investisiya” adı ilə yatırılıb və oğurlanıb. Və yaxud da Qazaxıstanda neft yataqlarının alınmasına “”xərclənib”,  Londonda bahalı mülkkərin alınmasına xərclənib və s.

4,7 milyardın bir anda və nağd şəkildə oğurlanmasını heç kim iddia etmir. Mərhələli şəkildə, hesabdan hesaba köçürülmə yolu ilə mənimsənilib. Çoxsaylı oğurluq  faktını Böyük Britaniya hüquq-mühafizə orqanları təsdiqləib. Londonda Hacıyevin həyat yoldaşı Zamirə Hacıyevaya qarşı da cinayət işi açıb, müəyyən edilib ki, o və yaxınları 97 milyon dollar mənbəyi bəlli olmayan pul xərcləyib.

Bəlkə də Hacıyev müxtəlif mərhələlərdə bankdan oğurladığı pulları sonda nağd şəkildə toplayaraq fiziki çəkisini, neçə ton olduğunu da müəyyən edib? Adətən oğrularda qəribə hobbilər olur. Ancaq təbii ki, bu məhkəmə predmeti ola bilməz – ortada dövlətin milyardlarının oğurlanması ilə bağlı təkzib edilməz faktlar var.

C.Hacıyev ona qarşı irəli sürülən çirkli pulların yuyulması ittihamına da münasibət bildirib: "Çirkli pulların yuyulması odur ki, narkotik, silah alverindən əldə olunan pulları hansısa layihəyə yönəldib leqallaşdırırsan. Bu vəsaitlərin isə mənbəyi bankdır, hansı çirkli puldan söhbət gedir? Qərb banklarının belə bir proseduru var: "öz müştərini tanı". Əgər pulun mənbəyilə bağlı şübhə varsa, Qərb bankları heç bir halda onu qəbul etməzlər. Azərbaycan özü də çirkli pulların leqallaşdırılmasına qarşı beynəlxalq qurumun üzvüdür. Ölkədən 20 mindən artıq pul mütləq Mərkəzi Bankın xəbəri olur, rəsmi şəkildə məlumat verilir".

Hacıyev unudur ki, oğurlanmış pullar avtomatik çirkli pul sayılır. Məsələn, Hacıyev Levan Tujba adlı şəxslə 440 milyon ABŞ dollarlıq krediti qondarma “Abxaz Respublikasına” investisiya yatırmaq adı ilə mənimsəyib. Tanınmamış Abxaziyanın illik dövlət büdcəsinin xərcləri orta hesabla 150 milyon dollar təşkil edir. Bu kreditlə üç Abxaziya almaq olardı. Təbii ki, keçmiş bankirin “ustalıqla” həyata keçirdiyi bu əməliyyatın bir məqsədi var idi – bankın vəsaitini dağıdaraq özü pul qazansın. Həmin Levan Tujba bu mənimsəməyə görə Moskvada saxlanıb dindiriləndə dedi ki, bu puldan ancaq 130 milyon dolların “üzünü” görüb. Qalan 310 milyon dolları Cahangir onun ayağına yazıb, öz cibinə qoyub. Bax o, 310 milyon artıq çirkli puldur və sonra onun necə yuyulmasını da Cahangir Hacıyev gözəl bilir.

C.Hacıyev bildirib ki, Beynəlxalq Bank onun rəhbərliyi dövründə mənfəətlə işləyib, 2015-ci ilin martında o uzaqlaşandan sonra isə bankda vəziyyət pisləşib. Onun sözlərinə görə, 2014-cü ildə bankın xalis mənfəəti 40 milyon olduğu halda, 2015-ci ildə 823 milyon, 2016-cı ildə isə 1 milyard 900 milyon ziyanla işləyib: "İsrafçılıq varsa da, bizdən sonra olub. Bizdən sonra kapitalın həcmi də azalıb".

Ancaq  Hacıyev bir əsas məqamı unudur ki, bank ziyana ehtiyatları oğurlandığı üçün düşüb. Əgər ehtiyatlar oğulanmasaydı, nə 122 faizlik devalvasiya olacaqdı (olsaydı belə, aşağı faizli olacaqdı), nə də bank ziyana düşəcəkdi.

Çıxışının sonunda vəkillərinə təşəkkür edən C.Hacıyev Linkolndan sitat gətirərək deyib ki, bir nəfəri həmişə aldatmaq mümkün olar, amma xalqı yox: "Hər şey saf-çürük olacaq. Xalqı həmişə aldatmaq mümkün deyil".

Bu məsələdə Hacıyevlə razılaşmaq olar - Hər şey saf-çürük olacaq. Xalqı həmişə aldatmaq mümkün deyil. Hər şey saf-çürük olanda, oğrular türməyə yollanır. Hər əməlin təbii sonu olur. Oğrulara oğurladığını sağ-salamat yemək nəsib olmur! Necə ki Cahangir Hacıyevin sonu belə oldu!

Qsdir İBRAHİMLİ
Masallı sakinləri Prezidentə müraciət edib Dağılmış yolun yenidən qurulmasına kömək edin!
Struktur dəyişiklikləri yaxın vaxtlarda da davam edəcək - təhlil
Naxçıvanlı rəssamlar Beynəlxalq rəsm festivalında iştirak edirlər
Bələdiyyə sədri hakim qarşısına çıxarılır - Cinayət işi
Deputat oğlunun dələduz şərikini əfvlə azadlığa çıxarmaq istəyir - iddia
Xəbər lenti
12/11/2019 [15:25]:
Azərbaycan millisi ilə oyunda qələbəyə görə 50 min avro mükafat təyin olunub
12/11/2019 [14:27]:
Ukraynada İmadəddin Nəsiminin anadan olmasının 650 illiyi qeyd olunub
12/11/2019 [13:51]:
Bakıda tələbələrin kartından külli miqdarda pul oğurlanıb
12/11/2019 [13:19]:
Yaponiya sahillərində batırılan ABŞ sualtı qayığı 75 ildən sonra tapılıb
12/11/2019 [13:03]:
Xətaiyə yeni icra başçısı təyin edildi
12/11/2019 [12:56]:
Prezident Yasamalın icra başçısını vəzifəsindən azad etdi
12/11/2019 [12:48]:
Sabirabadda xırdabuynuzlu heyvanları oğurlayanlar saxlanılıb
12/11/2019 [12:43]:
Prezident Zərdab rayonunun icra başçısını dəyişdi – SƏRƏNCAM
12/11/2019 [12:32]:
Sirvan şəhərinə yeni icra başçısı təyin edildi – SƏRƏNCAM
12/11/2019 [12:22]:
Elmi təcrübə məqsədilə kosmosa çaxır göndərilib
12/11/2019 [12:00]:
Pivə ilə gedər…
12/11/2019 [11:37]:
Şəhriyar sonuncu oldu
12/11/2019 [11:16]:
Fransada güclü zəlzələ olub
12/11/2019 [10:32]:
Avropa Şurasına sədrlik Gürcüstana keçəcək
12/11/2019 [10:00]:
"Bülbül" siklonu 10 nəfərin həyatına son qoyub
11/11/2019 [23:59]:
"Yuventus" 90 milyon avroya aldığı futbolçu ilə müqaviləni yeniləyir
11/11/2019 [22:43]:
Azərbaycan Ordusunun genişmiqyaslı təlimi keçiriləcək
11/11/2019 [21:26]:
Azərbaycan millisinin oyununu kiprli hakimlər idarə edəcəklər
11/11/2019 [20:31]:
Nazir: "ABŞ Nümayəndələr Palatasının "erməni soyqırımı" ilə bağlı qərarı emosianal xarakter daşıyır"
11/11/2019 [19:15]:
Qonşusunu qətlə yetirən Masallı sakini saxlanılıb
11/11/2019 [18:26]:
Azərbaycandan Gürcüstana səfər edənlərin sayı 8% artıb
11/11/2019 [17:31]:
Baş naziri: “Rusiya özünü aqressiv aparır”
11/11/2019 [16:23]:
Şəkidə avtomobil aşıb, ölən var
11/11/2019 [15:58]:
Prezident İlham Əliyev və birinci xanım ağacəkmə aksiyasında iştirak ediblər
11/11/2019 [15:33]:
Dünya bazarlarında təbii qaz ucuzlaşıb
Bütün xəbərlər...
Həftənin ən çox oxunanları
Qarabağla bağlı yeni təşkilat - "Kəlbəcər yolu"
Bələdiyyə sədri hakim qarşısına çıxarılır - Cinayət işi
Struktur dəyişiklikləri yaxın vaxtlarda da davam edəcək - təhlil
Naxçıvanlı rəssamlar Beynəlxalq rəsm festivalında iştirak edirlər
Noyabrın 12-də piket keçiriləcək? - BŞİH-dən cavab
Azərbaycanda orta aylıq pensiya 293 manat olacaq
Yeməkdən sonra bunları etmək ziyandır
BƏƏ naziri Bakıya gəlir
Masallı sakinləri Prezidentə müraciət edib Dağılmış yolun yenidən qurulmasına kömək edin!
Bağdadinin saxlanılan arvadının görüntüsü yayıldı
İstiqlal.az-ın arxivi
"İstiqlal.az"
Xəbər Portalı
e-mail: istiqlal.mmc@gmail.com
Copyright©2013 "İstiqlal.az" MMC
Materiallardan istifadə zamanı
www.istiqlal.az saytına
istinad zəruridir
X

Bəyənin və "İstiqlal.az"-ı Facebook lovhənizdən izləyin